Thesari i SHBA-ve është hakeruar nga Kina, duke hyrë në stacionet e punës të punonjësve dhe disa dokumente të paklasifikuara, thanë zyrtarët amerikan.
Sipas BBC, shkelja ndodhi në fillim të dhjetorit dhe u bë publike në një letër të shkruar nga Departamenti i Thesarit për ligjvënësit duke i njoftuar ata për incidentin.
Agjencia amerikane e karakterizoi shkeljen si një “incident të madh” dhe tha se kishte punuar me FBI-në dhe agjenci të tjera për të hetuar ndikimin.
Një zëdhënës i ambasadës kineze në Uashington DC tha për BBC News se akuza është pjesë e një “sulmi shpifës” dhe është bërë “pa asnjë bazë faktike”.
Bazuar në provat që ka mbledhur deri më tani, zyrtarët thanë se hakimi duket se është kryer me bazë në Kinë.
“Në përputhje me politikën e Thesarit, ndërhyrjet që i atribuohen një APT konsiderohen si një incident i madh i sigurisë kibernetike”, shkruan zyrtarët e Departamentit të Thesarit në letrën e tyre drejtuar ligjvënësve.
