Një studim i 44 vendeve në Evropë, Azinë Qendrore dhe Amerikën e Veriut tregon një rritje të bullizmit kibernetik që nga viti 2018.
Studimi “Sjellja shëndetësore tek fëmijët e moshës shkollore” (HBSC) u botua më 27 mars 2024, nga OBSH/Evropë (Organizata Botërore e Shëndetësisë)dhe identifikon “dixhitalizimin në rritje të ndërveprimeve të të rinjve” si shkakun kryesor të bullizmit kibernetik.
Shqipëria renditet në vendin e katërt, në listën e vendeve me përplasjet fizike më të shumta në numër, që kryesisht nisin nga rrjetet sociale. Një në 10 adoleshentë raportoi se ishte përfshirë në përleshje fizike të paktën tre herë në 12 muajt e fundit (14% e djemve dhe 6% e vajzave).
‘Dhuna mes bashkëmoshatarëve është një sjellje e përhapur në mesin e fëmijëve të moshës shkollore dhe ka efekte të thella në mirëqenien e tyre. Një dhunë e tillë mund të marrë forma të ndryshme dhe tradicionale.
Masat e anketimit të shëndetit të adoleshentëve shpesh përfshijnë vlerësime të llojeve të ndryshme, siç është ngacmimi personalisht ose përfshirja në përleshje fizike. Adoleshentët ndërveprojnë duke përdorur teknologjitë online dhe, për rrjedhojë, janë shfaqur bullizmi në internet dhe shprehje të tjera të dhunës në internet.
Format e dhunës virtuale mes bashkëmoshatarëve janë përhapur veçanërisht që nga fillimi i sëmundjes së koronavirusit. Pandemia e 2019 (COVID-19), kur bota e të rinjve u bë gjithnjë e më shumë virtuale gjatë kohës së mbyllje.’- thuhet në studim.
Po ashtu nënvizohet se tradicionalisht sjelljet e dhunshme janë shfaqur tek adoleshentët, ndërsa ka marrë një hov gjithnjë e në rritje në botë dhuna virtuale.
Anketa është zhvilluar pë vitet 2021-2022.
