Deputeti socialist, Plarent Ndreca është paraqitur sot në SPAK.
Mësohet se deputeti ka kërkuar vetë të paraqitet në SPAK pasi është njohur me përfundimin e hetimeve ndaj tij, për të dhënë sqarime.
Më 25 tetor të këtij viti Ndreca është marrë i pandehur nga ana e Prokurorisë së Posaçme lidhur me detyrën e tij si sekretar i përgjithshëm në Ministrnë e Brendshme, ku shërbeu nga korriku 2019 deri më shtator 2020.
Ndreca akuzohet lidhur me procedurat për rikonstruksionin e 4 komisariateve në vend.
“Duke iu përgjigjur interesit të gjerë publik, ju komunikojmë se më dt.25.10.2024, të pandehurit, Plarent Ndreca, i është komunikuar, përmes avokatit të tij, përfundimi i hetimeve për procedimin penal nr.240/2021 për veprën penale “Shkelje e barazisë së pjesëmarrësve në tendera apo ankande publike”, parashikuar nga nenet 258 dhe 25 të Kodit Penal. Më shumë detaje do të vijojnë në një moment të dytë”, njoftoi SPAK.
