Gjyshi aksidenton për vdekje mbesën 2-vjeçe në oborrin e shtëpisë

Një aksident i rëndë ka ndodhur në fshatin Mallkuç të Krujës, ku gjyshi ka përplasur për vdekje mbesën e tij të mitur.

Duke drejtuar mjetin në oborrin e banesës, shtetasi Martin Kaçi, ka aksidentuar mbesën 2-vjeçare, e cila nuk mundi dot t’i mbijetonte plagëve të marra.

Grupi hetimor dhe policia ndodhen në vendngjarje dhe po punojnë për zbardhjen e rrethanave të aksidentit.

Më datë 05.02.2024, në Mallkuç, shtetasi M. K., duke drejtuar automjetin në oborrin e banesës së tij, ka aksidentuar mbesën e tij të mitur, dy vjeçe, e cila si pasojë e dëmtimeve të marra, ka ndërruar jetë.

Grupi hetimor po punon për sqarimin e rrethanave të ngjarjes.