Në një prononcim për SuperSport përpara nisjes së mbrëmjes gala “Më të mirët 2023”, Gianni De Biasi, ish-trajneri historik i skuadrës kombëtare dha një koment për Kombëtaren dhe Sylvinho.
“Kush e harron dashurinë e parë? Shqipëria ka qenë dhe mbetet dashuria ime e parë. Është e rëndësishme që Shqipëria u rikthye në Europian. Sukses që vjen nga puna e madhe, bravo të gjithëve”.
Pak xheloz për skuadrën aktuale?
“Jo, nuk jam xheloz. Asgjë nuk vjen rastësisht. Bravo Sylvinho për punën që ka bërë, bravo edhe atij që i besoi.
Shqipëria niset e mposhtur, nuk ka asgjë për të humbur në aspektin teorik. Në praktikë besoj se do të kualifikohet Shqipëria”, theksoi tekniku italo-shqiptar.
