Një parlament që çdo 48 orë e përsërit të njëjtën marrëzi

Një kryeqytet që s’mundet të heqë as mbeturinat dhe është përshtatur me duhmën e padurueshme – një lloj parfumi i poshtërsive.

Një qeveri që mbetet peng i politikave simbolike.

Një opozitë që e sheh politikën vetëm si alternativë përfitimesh afatshkurtra.

Një klasë politike të cilës nuk i bëhet vonë për asgjë.

Një kinse elitë që refuzon të kuptojë ndryshimet dramatike gjeostrategjike në botë dhe që e sheh politikën, gjithnjë e më shumë, vetëm si biznes – jo si shërbim.

Një grusht cinikësh kujdestarë, të cilët koktejin e tyre “analitik” e përziejnë me gjysmë të vërteta për të ndërtuar një rrenë të madhe.

Një opinion publik i dëshpëruar, i dezorientuar dhe i demotivuar.

Dhe çdo ditë – një oqean helm për të acaruar, poshtëruar dhe përdhosur tjetrin, vetëm pse mendon ndryshe.