Pas zhurmës në media për deklaratat e tij në lidhje me ish-kandidaten Kamala Harris, Elon Musk ka ditur si të rrëmbejë sërish vëmendjen.
Së fundmi ai ka bërë komente për marrëdhënien e Jennifer Lopez dhe Sean “Diddy” Combs. Gjatë një bisede në podkastin e Joe Rogan, Musk sulmoi Lopez për heshtjen e saj për të paralajmëruar të tjerët për ish të dashurin e saj, Diddy, i cili kohët e fundit është përballur me probleme serioze ligjore.
Diddy, aktualisht është përfshirë në telashe ligjore, duke u përballur me akuza në lidhje me trafikun e seksit dhe shantazhin. Akuzat tronditëse e paraqesin atë si dikush që dyshohet se ka kryer akte të urryera, duke përfshirë transportimin e të miturve për t’u angazhuar në prostitucion.
Tema u shfaq gjatë paraqitjes së Musk më 4 nëntor në The Joe Rogan Experience , ku Rogan solli në vëmendje gjatë intervistës festat famëkeqe të Diddy-t në Los Anxhelos. Rogan vuri në dukje grupin e të famshëmve që kanë qenë të lidhur me Diddy gjatë viteve. Musk shfrytëzoi momentin për të shënjestruar Lopez, duke pyetur pse ajo nuk e kishte “paralajmëruar” publikun, duke pasur parasysh marrëdhënien e saj të mëparshme me manjatin e muzikës.
“Është sikur J-Lo të ishte ish e dashura e tij dhe tani ajo po i paralajmëron njerëzit kundër Trump”, tha Musk. “Sa njerëz paralajmëroi ajo për Diddy? Oh, zero? OK. Ndoshta nuk duhet t’i besojmë asaj.” Komenti i tij dukej se i referohej mbështetjes publike të Lopez për kandidatët demokratë dhe kritikave të saj të fundit ndaj politikave të Trump. Vërejtjet e Musk kanë hapur një bisedë më të madhe rreth përgjegjësisë së figurave publike./Independet
