Mediat britanike nuk iu ndahen shqiptarëve, nxjerrin pamjet: 18 deri në 26 mijë euro rruga nga Shqipëria me kamion

Mediat britanike duket se e kanë shpallur “armikun” e vendit të tyre dhe ata janë shqiptarët, duke i vënë në shënjestër, pothuajse çdo ditë.

“Daily Mail” ka publikuar një artikull ku tregon mënyrat sesi shqiptarët po “thithin” klientë për t’i dërguar në mënyrë të jashtëligjshme në Angli.

Sipas prestigjiozes angleze, shqiptarët vijojnë të pa shqetësuar që të reklamojnë “biznesin” e tyre në rrjetet sociale, e kryesisht në Tik Tok, duke treguar datat e nisjes dhe detaje të tjera.

Në artikullin e botuar së fundmi, janë shfaqur disa postime të shqiptarëve në rrjetet sociale, ku thuhet se kërkojnë deri në 18 mijë paund për kalimin e sigurt drejt Britanisë, jo me gomone, por me kamionë.

“Ndryshe nga gomonet që kanë një vëmendje të shtuar gjatë kohëve të fundit, kalimi me kamion është më i lehtë”, shkruan Daily Mail.

Një person i paidentifikuar, i cili punon për Daily Mail, i ka dërguar mesazh kësaj llogarie në Tik-Tok, duke i kërkuar një udhëtim për 2 persona. Çmimi i udhëtimit është 26 mijë paund. Ndërkohë një tjetër trafikant ofron udhëtime me avion me pasaporta të falsifikuara.

Pasi i publikojnë këto postime, ato fshihen brenda disa ditësh për të humbur gjurmët.

Leave a Reply

Your email address will not be published. Required fields are marked *

fourteen − one =