Kush është Nicole Shanahan, e përfshirë në dramën Musk-Brin?

Një sipërmarrëse dhe avokate nga Silicon Valley, Nicole Shanahan është ish-bashkëshortja e pronarit të Google dhe miliarderit, Sergey Brin , dhe tani është duke u akuzuar për një lidhje me Elon Musk, kreun e Teslas.

Brin dhe Shanahan kanë qenë të martuar për më shumë se tre vjet.

Megjithatë, Brin paraqiti kërkesën për divorc në janar, duke pretenduar se ai dhe Shanahan ishin ndarë që nga 15 dhjetori 2021, dhe duke përmendur “diferenca të papajtueshme” si arsye.

Kushtet e divorcit të Shanahan dhe Brin, në të cilën ajo kërkon më shumë se 1 miliard dollarë, janë duke u diskutuar aktualisht. Ata kishin nënshkruar një marrëveshje paramartesore.

Wall Street Journal raportoi se Shanahan dyshohet se kishte një lidhje rastësore me Musk në dhjetor, gjë që bëri që bashkëshorti i saj të aplikonte për divorc dhe t’i jepte fund lidhjes së tyre të gjatë.

Drejtori i Përgjithshëm i Teslas, megjithatë, hodhi poshtë raportimet e kësaj medie që thoshte se kishte një romancë me Nicole.

“Kjo është e pavërtetë totalisht. Sergey dhe unë jemi miq dhe ishim në një festë së bashku mbrëmë! Unë e kam parë Nicole vetëm dy herë në tre vjet, të dyja herët me shumë njerëz të tjerë përreth. Asgjë romantike”, tha Musk në një shkrim në Twitter.

Karriera e Nicole Shanahan

Shanahan ishte e njohur për themelimin e ‘ClearAccessIP’, një kompani softuerësh, përpara se të tërhiqte vëmendjen për të qenë në qendër të një trekëndëshi dashurie që përfshin dy nga njerëzit më të pasur në botë.

Në vitin 2020, ajo shiti biznesin, sipas New York Post.

Sipas një raportimi të Bloomberg, Shanahan themeloi fondacionin e saj, Bia-Echo, në 2019 dhe dhuroi 100 milionë dollarë për një sërë kauzash.

Ajo gjithashtu mbështet kandidatët politikë demokratë dhe organizatat me prirje të majtë.

Pas gati dy vitesh lidhje, çifti u martua në një ceremoni në fund të vitit 2018 dhe menjëherë pas kësaj, ajo solli në jetë një vajzë.

Sipas NY Post, Shanahan ishte martuar më parë me një drejtues financiar përpara se të takohej me Brin.

Shanahan, prindërit e së cilës ishin emigrantë kinezë, ka folur për nënën e saj, e cila ishte shërbëtore dhe u rrit me ndihmën e qeverisë.

E njëjta u diplomua në Universitetin Santa Clara me një diplomë juridike, dhe ndërsa ishte atje ajo gjithashtu kaloi një semestër duke studiuar jashtë vendit në Universitetin e Singaporit.

Leave a Reply

Your email address will not be published.

one × three =