U thirr në SPAK, Gonxhe: Isha për një sqarim, s’ka lidhje me detyrën time

Kreu i Drejtorisë së Përgjithshme të Transportit Rrugor, Blendi Gonxhe ka qëndruar përreth 1 orë në ambientet e SPAK.

Pasi u thirr për t’u marrë në pyetje, Gonxhja sqaroi se ishte thirrur për një verifikim për një çështje të tretë, e cila nuk ka lidhje me funksionin e tij aktual në DPSHTRR.

“Respekt të gjithëve ju se është 41 gradë. Nuk më pyeti njeri dhe s’keni pse vraponi. S’ka lidhje DPSHTRR me arsyen pse isha, për një çështje të tretë se u pyeta për sqarim. Është çështje që nuk ka lidhje fare me Ministrinë që varem, as me rrugët as me DPËSHTRR. As nuk erdha nga dera e pasme, thjesht ju pashë që vrapuat ndaj për respekt.

Megjithatë unë përfaqësoj një figurë publike, nuk mund të jap detaje,. U pyeta për verifikim të një situatë të caktuar,. Nuk ka lidhje me asnjë tender, asnjë lloj gjëje dhe me asnjë institucion”, tha Gonxhe.

Leave a Reply

Your email address will not be published.

two × two =