Alarmi COVID në Shqipëri, edhe për nënvariantet e Omicron

Ministrja e Shëndetësisë dhe Mbrojtjes Sociale, Ogerta Manastirliu, ka folur për situatën epidemiologjike në Shqipëri përgjatë muajit të fundit, ku është vërejtur një shtim i rasteve me COVID-19, duke i rritur ndjeshëm shifrat e infektimeve.

Manastirliu e pranoi se ka një rritje të incidencës për rastet e reja pozitive si edhe një rritje e rasteve të fataliteteve në vend. Mirëpo, sipas saj, këto përbëjnë pjesën e popullsisë, e cila nuk është vaksinuar kundrejt COVID-19.

Shqetësues ndërkohë, mbetet edhe fakti se nënvariante të variantit Omicron mund të kenë mbërritur në Shqipëri. Por, ende nuk ka një konfirmim nga laboratorët e referencës për këta të fundit.

Rritja e incidencës mandej, tregon sipas ministres se e gjithë situata, mund t’i dedikohet varianteve BA4 dhe BA5 të Omicron.

“Bërja e dozave përforcuese kundër virusit është parësore në luftën me COVID-19”, vijoi më tej Manastirliu, duke shtuar se ka një alert të ngritur edhe nga shërbimi pediatrik në spitalin Nënë Tereza.

Për këtë arsye, vaksinimi që prej moshave 5 vjeç e lart po shihet si i mundur në Shqipëri, por një vendim ende duhet marrë.

Po ashtu si një vendim, duhet marrë edhe për masat e shtuara ndaj virusit.

Këto të fundit nuk kanë ndryshuar prej muajsh, kur të gjitha kufizimet u hoqën.

Komiteti teknik i ekspertëve mblidhet rregullisht për të diskutuar mbi problematikat e COVID-19 dhe në rast të përkeqësimit të situatës, është e mundur të ketë ndryshim masash.

Përdorimi i maskës mbrojtëse mund të rikthehet në grumbullimet masive apo në ambiente ku ka persona me sëmundje bashkëshoqëruese. Ata janë edhe pjesa më e cenuar e popullsisë prej COVID.

Në pritje, nga ana e Ministrisë, janë edhe mbi ecurinë deri në vjeshtë e dimër, kur do të duket realisht rikthimi i vërtetë i COVID dhe sa fuqi do të ketë ai.

Teksa, të gjitha strukturat spitalore, mbeten në gatishmëri të plotë për të përballuar situata më të rënduara potenciale.

Leave a Reply

Your email address will not be published.

14 + seventeen =