Alibeaj reagon ndaj akuzave të Berishës: Ka hallin e familjes biologjike non grata, s’e rrëzon dot Ramën duke përçarë demokratët

Deputeti demokrat Enkelejd Alibeaj ka reaguar pas akuzave të rënda që Sali Berisha bëri ndaj tij gjatë një emisioni televiziv.

Berisha e quajti Alibeajn si “të depersonalizuar” dhe një njeri që “është shndërruar në ushtar të Taulant Ballës”.

Por Alibeaj ka reaguar menjëherë duke thënë se Berisha gënjen për të fshehur hallin e madh apo të familjarëve të tij. Ai shkruan në një postim në Facebook se Berisha nuk ka për ta rrëzuar Ramën duke përçarë demokratët, të cilët i keqpërdor për interesat e tij personale.

“Sali Berisha sa herë gënjen fsheh një hall të madh, të vetin ose të familjarëve të tij. Problemi është që për të zgjidhur këto halle nuk e ndihmoj dot as unë dhe as demokratët që ai i keqpërdor për interesat e tij personale.

Hallet e Sali Berishës nuk janë hallet e shqiptarëve. Janë hallet e pasurisë së familjes së tij biologjike non grata dhe jo ato të varfërisë që ka kapluar shqiptarët. Vetëm e vërteta mund ta ndihmojë Sali Berishën, që së paku të jetë në paqe me ndërgjegjen e vet. Por dhe ky duket mision i pamundur, njësoj si ai për të rrëzuar Edi Ramën duke përçarë demokratët. Sepse Sali Berisha dhe e vërteta, mesa duket, janë bërë dy rrugë që nuk do takohen më gjëkundi”, thotë Alibeaj.

Leave a Reply

Your email address will not be published.

6 + 9 =