Deputetja Doda kritikon kolegët: T’i kursejmë shfaqjet në publik ku dy deputetë zihen dhe i ndan Braçe

E ftuar në “News 24”, deputetja demokrate Mesila Doda komentoi çështjet nga debati i brendshëm i PD e deri te përzgjedhja e Presidentit të ri të Republikës.

Doda tha se opozita duhet të vendosë ekuilibrat e duhur demokratike, për të mposhtur qeverinë.

“Do të duhet të filloj një lloj normaliteti. Tek e fundit nuk funksionon kështu demokracia. Po të shihni bëmat e aleancës do të rriten sepse do të duhen që ekuilibrat demokratike do të kenë mundësi të jetësohen. Do të na duhet të dalim edhe mbi veten dhe të kuptojmë detyrën që kemi, që të kursejmë shfaqje të tilla në publik, që dy deputetë të PD të zihen dhe të futet Erion Braçe që t’i ndajë. Unë pothuajse 7 vite më parë i kam thënë argumentet e mia. Nuk ndjej se kam lënë gjë mangut për të bërë në debatin e brendshëm. Më vjen keq që opozita shqiptare s’ka vendosur ekuilibrat e duhur. Deri këtu duhet të jetë pozicionimi im, që përfaqësoj një parti tjetër. Nëse nuk gjejnë një gjuhë të përbashkët, për të gjetur mirëkuptim. U fol për fraksionet, por nëse nuk gjendet një formulë që të jenë të përfshirë të gjithë do të kemi rezultate dëshpëruese. Edhe të gjithë bashkë e kishim të vështirë t’i përgjigjemi arrogancës. 6 Marsi tregoi se viktimat në fund mbeten shqiptarët”, tha Doda.

Doda u shpreh se Presidenti i ardhshëm duhet të jetë njeri politik dhe të zgjidhet me konsensusin e palëve. Ajo solli këtu shembuj të ish-Presidentëve si Rexhep Mejdani dhe Alfred Moisiu.

“Duke u kthyer në memorie e gjatë viteve, zakonisht kam parë që seancat e para kalojnë duke matur forcat. Fakti që opozita është sot jo shumë solide, nuk i bën mirë procesit. Duhet të ishte zë i fortë në këtë moment. E kam thënë edhe më parë, nuk është fakti dhe nuk mund të nisë diskursi i mazhorancës që kemi 71 vota dhe e zgjedhim ne. Për këtë arsye bëhet në tre raunde me shumicë cilësuese. Duhet të gjejmë një formulë për kreun e shtetit që ka besim e unitet. Thënë këtë po i rikthehem historikut. Ju mbani mend që mblidheshin krerët më të lartë të opozitës për të gjetur formulë bashkëpunimi. Nuk duhet të bëjmë sikur në këtë proces. Nuk ka nevojë të sforcojmë njëri-tjetrin. Duhet të takohen krerët e grupeve parlamentare. Presidenti i ardhshëm duhet të jetë njeri politik. Mund të jetë President që vjen nga opozita. Ka qenë zoti Mejdani president shumë i mirë dhe institucional. Të mos paragjykojmë kolegët. Është rasti të jemi pa paragjykime dhe të futemi në proces për të gjetur kreun e shtetit. Është rasti që mund të zgjedhim një zonjë. Është momenti për ndryshim. Është momenti të zgjidhet një person që do i japë besim të gjithë krahëve politikë”, u shpreh deputetja.

Për debatin e brendshëm të PD ajo tha:

“Duhet mbledhur baza e PD sepse ndonjëherë konflikti shkon shumë thellë. Ka shumë problematika, mund të ishte e cënuesme në shumë akte të saj, por nëse nuk ke përballë një forcë të vërtetë. Ky është kushti i parë, tjetra pastaj duke qenë njerëz duke qenë njerëz politik. Neni i fraksioneve që u tha dhe që s’u bë kurrë, atëherë do të kishim proces të vërtetë. Kjo nuk i përfshin të gjitha atë bazë. Ndonjëherë politikanët duhet të ulin armët, duhet të afrojnë palën tjetër që është e pa fuqishme. Këto janë leksionet e para që merren kur je në politikë”.

Leave a Reply

Your email address will not be published.

14 − eight =