Ish-ambasadori britanik në Rusi thotë se Putin po ndalon për të menduar

Më shumë reagime po vijnë pas fjalimit të Vladimir Putin për të shënuar Ditën e Fitores së Rusisë.

Andrew Wood, ish-ambasador britanik në Rusi, tha se mesazhi i Putin ishte “me të vërtetë shumë i butë”.

“Përshtypja ime e përgjithshme ishte se ai po ndalonte për të menduar. Ai nuk kishte asgjë të qartë për të thënë, ai nuk tha asgjë për akuzat e tij të mëparshme për ukrainasit që po bënin akte terrori ndaj njerëzve”, tha ai.

Wood vazhdoi duke thënë se ai nuk beson se Putin ka një rrugëdalje nga situata në të cilën ndodhet.

“Ai ka qenë shumë i qartë se qëllimi i tij është të kontrollojë atë që bën Ukraina, sepse ajo është plot me nazistë, gjë që është një vëzhgim absurd. Ashtu si shumë nga gjërat që thotë Putin, nuk mund të jesh i sigurt nëse ai beson vërtet në atë që po thotë në të vërtetë”, tha ish-diplomati britanik për Sky News.

Sipas tij, ajo çfarë po bën presidenti Putin nuk do të funksionojë përgjithmonë.

“Unë e shikoj atë si një president që është shndërruar në një tragjedi për Rusinë,” përfundoi Wood.

Leave a Reply

Your email address will not be published.

3 × 5 =