Home / Aktualitet / “Zjarret në pyje kërcënim global si pandemia”, Erdogan: Inteligjenca turke po heton shkaqet

“Zjarret në pyje kërcënim global si pandemia”, Erdogan: Inteligjenca turke po heton shkaqet

Presidenti i Turqisë Rexhep Tajip Erdogan i ka konsideruar zjarret në pyje një kërcënim global ashtu si pandemia e COVID.

Erdogan deklaroi se e gjithë bota po përballet me këtë sfidë, duke e krahasuar atë me një “kërcënim terrorist”.

Ai u shpreh se në tetë ditët e fundit në Turqi kanë shpërthyer 187 zjarre, 15 prej të cilëve vijojnë te jenë aktive.

“Rreth 51 helikopterë dhe 20 aeroplanë janë angazhuar në operacionet për shuarjen e flakëve. Personeli i inteligjencës turke dhe policisë po heton në lidhje me shkaqet.

Presidenti Azerbajxhan më ka thënë se vendi i tij do të dërgojë një aeroplan tjetër në Turqi për të mbështetur betejën e saj të vazhdueshme kundër zjarreve pyjorë në provincat e saj jugore”, u shpreh ai.

Vaksinimi kundër COVID-19

Ndalur tek pandemia, Erdogan u shpreh se Turqia synon të marrë autorizim për përdorim urgjent të vaksinës së saj Turkovac COVID-19 sa më shpejt të jetë e mundur për të shtuar përdorimin e saj të përhapur në vend.

Ai tha gjithashtu se ekonomia turke do të ketë rritje prej 7% këtë vit dhe inflacioni dhe normat e interesit do të ulen në periudhën e ardhshme.

Check Also

Plagosje me armë zjarri në Lezhë, identifikohet dhe shpallet në kërkim autori i dyshuar

Një i plagosur me armë zjarri ka mbetur në Lezhë. Autori i dyshuar Xhulio Vokrri, ka plagosur 25-vjeçarin …

Leave a Reply

Your email address will not be published. Required fields are marked *

2 × three =