Home / Lajmi Fundit / Zgjedhja e Këshillit të ri Kombëtar, reagon “grupimi për PD-në”

Zgjedhja e Këshillit të ri Kombëtar, reagon “grupimi për PD-në”

“Grupimi për PD-në”, ka reaguar në lidhje me zgjedhjet në Kuvendin e Partisë Demokratike ku u zgjodhën 300 delegatët e rinj të Këshillit Kombëtar. Në zgjedhjet e ditës së shtunë nuk arritin të siguronin një vend në Këshillin Kombëtar figura me peshë në PD, si Arben Ristani dhe Edith Harxhi, ndërkohë që ish-kreu i PD-së Kukës Ibsen Elezi nuk u lejua të futej fare në kandidim.

“Grupimi për PD-në” i ka quajtur këto veprime si përjashtime masive të njerëzve që kundërshtojnë drejtimin arbitrar të Lulzim Bashës dhe forma të tilla përqasjeje nuk e bëjnë Partinë Demokratike një parti udhëheqëse.

Deklarata  e plotë e Kuvendit për PD-në:

Kuvendi i fundit i Partisë Demokratike i zhvilluar më 17 korrik 2021, megjithëse i papërcaktuar nëse ishte kuvend i jashtëzakonshëm, statutor, apo zgjedhor, u mbajt në kundërshtim me rregullat statutore të Partisë Demokratike.

Jo vetëm vendimet që u morrën ishin antistatutore, por edhe fryma që u përcoll ishte antidemokratike dhe antieuroatlantike. Mungesa e një analize të thellë nga anëtarësia për shkaqet e humbjes së zgjedhjeve të 25 prillit 2021 por e përgatitur me shpejtësi nga grupe lobiste, si dhe mos marrja e përgjegjësisë, deri në deklarimin e humbjes si fitore, ishin butaforike dhe nuk përafrohej aspak në asnjë formë me Kuvendet e PD-së deri në vitin 2018.

Gjithçka ndodhi gjatë këtij Kuvendi, tregoi dhe dëshmoi edhe një here qartë se ai që manipulon votat dhe zgjedhjet në partinë e tij, nuk ka mundësi të fajësojë tjetrin për të njëjtin krim. Bojkotimi që i bënë mijera anëtarë të partisë këtij Kuvendi, numrat e fryrë qëllimshëm nga zyrat e kontrolluara në PD, për të treguar përkrahjen për liderin suprem, si dhe votimi e numërimi natën i anëtarëve të Këshillit të ri Kombëtar, treguan edhe një herë mendësinë me të cilën udhëhiqet PD-ja sot. Shumë nga kandidatët për anëtarë të Këshillit Kombëtar u propozuan në mënyrë klienteliste nga drejtues politik të listës së deputetëve në qarqe dhe kryetarë të degëve, duke mos përfaqësuar gjerësisht anëtarësinë. Mbi të gjitha Këshilli Kombëtar nuk mund të jetë kurrësesi organ këshillues.

Përjashtimi masiv nga Këshilli Kombëtar i njerëzve që kundërshtojnë prej vitesh drejtimin arbitrar dhe antidemokratik në PD, si dhe lënia jashtë punimeve të Kuvendit e mijëra demokratëve të përkushtuar, tregojnë përfundimisht se linja drejtuese e Partisë Demokratike dhe udhëheqësi i saj në detyrë, nuk kanë asgjë të përbashkët me gjithçka po ndodh me opozitën dhe me gjithë Shqipërinë. Në këtë mënyrë dhe formë PD-ja nuk mund të bëhet forcë udhëheqëse, por çdo lloj përpjekje për të vazhduar kapjen e saj do të jetë e dështuar.

Në këto kushte dhe përballë një realiteti të tillë mjaft shqetësues dhe me pasoja për Shqipërinë, Grupi për PD-në do të vazhdojë të jetë zëri i demokratëve të vërtetë dhe do të jetë opozitë e fuqishme në vend.

Check Also

Zjarr në bodrumin e ministrisë së Financave

Zjarr në bodrumet e ministrisë së Financave. Ngjarja ndodhi ditën e sotme. Burime për ‘BalkanWeb’ …

Leave a Reply

Your email address will not be published. Required fields are marked *

2 × four =