Home / Aktualitet / Zbulohet skema si do të hyjnë PD dhe LSI në zgjedhje, cilat janë 3 qarqet ku dalin me listë të përbashkët

Zbulohet skema si do të hyjnë PD dhe LSI në zgjedhje, cilat janë 3 qarqet ku dalin me listë të përbashkët

Edhe pse në koalicion, PD dhe LSI kanë zgjedhur që të operojnë përmes një skenari që do të maksimalizojë votën e tyre nisur edhe nga kushtëzimit e Kodit Zgjedhor të miratuar verën e shkuar.

Sot është dita e fundit e afatit për regjistrimin e koalicioneve në KQZ dhe Basha me Kryemadhin kanë zgjedhur që të kandidojnë me lista të ndryshme në 9 qarqe të vendit dhe me një listë në 3 qarqe të tjera.

Qëllimi është që të mos humbasë asnjë votë opozitare dhe thellimi i rezultatit në ato qarqe ku duhet bërë diferenca siç është Tirana, Durrësi, Elbasani, të cilat ose duhen fituar ose duhen nxjerrë barazim në mënyrë që opozita e sotme të jetë maxhorancë nesër, shkruan abc.

Kështu, PD dhe LSI do të garojnë secila me listën e vetë në Tiranë, Durrës, Elbasan, Korçë, Fier, Lezhë, Shkodër, Berat dhe Vlorë. LSI pretendon të nxjerë deputetë në këto qarqe prandaj edhe ka zgjedhur që të dalë e vetme duke patur edhe mbështetjen e PDS-së së Paskal Milos.

Ndërkohë, PD dhe LSI do të garojnë nga ana tjetër me një listë në qarkun e Dibrës, Kukësit dhe Gjirokastrës, ku ka një numër të vogël votuesish.

Partia e Kryemadhit ka nxjerrë deputetë edhe në Gjirokastër edhe në Dibër, megjithatë futja e kandidatit të saj kryesor në listën e PD-së synon që të çimentojë mandatin.

Pavarësisht kësaj, LSI pritet të nxjerrë edhe një listë fiktive për këto 3 qarqe, e cila do të ketë vetëm efekt ligjor dhe elektoral pasi fushata do të bëhet duke ftuar kuksianët, dibranët dhe gjirokastritët që të votohet kandidati i LSI në listën e PD-së.

Check Also

Përleshje masive në Jerusalemin Lindor, mbi 100 persona të plagosur

Një numër personash janë plagosur në përleshjet në Jerusalemin Lindor në mes të aktivistëve hebrenj …

Leave a Reply

Your email address will not be published. Required fields are marked *

3 + seven =