Home / Aktualitet / Vendi në situatë të vështirë pandemike, Policia e Shtetit ndëshkon qytetarët

Vendi në situatë të vështirë pandemike, Policia e Shtetit ndëshkon qytetarët

Teksa vendi ynë po përballet me një situatë tejet të rënduar pandemike, Policia e Shtetit vazhdon të ndëshkojë me mijëra qytetarë për mosrespektimin e masave andti-Covid, kryesisht për mosmbajtjen e maskës.

Vetëm fundjavën që lamë pas, 997 qytetarë janë kapur duke shkelur rregullat anti-koronavirus, nga të cilët 833 për mosmbajtjen e maskës mbrojtëse.

Polica ka gjobitur gjithashtu me nga 10 milionë lekë të vjetra 3 subjekte që ushtronin aktivitetin e tyre në kundërshtim me protokollet e sigurisë.

Njoftimi i policisë:

Policia e Shtetit

Ndëshkohen me masë administrative 997 qytetarë që nuk zbatuan masat anticovid, gjatë 24 orëve të fundit.

983 prej tyre janë ndëshkuar me masën 3.000 lekë, për mosvendosjen e maskës mbrojtëse.

Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, vijojnë kontrollet në të gjithë vendin, për të monitoruar zbatimin e masave për parandalimin e përhapjes së COVID-19.

Gjatë 24 orëve të fundit, Patrullat e Përgjithshme kanë evidentuar dhe ndëshkuar me masë administrative 3.000 lekë, 833 shtetas që janë konstatuar pa maskat mbrojtëse.

Shërbimet e Policisë Rrugore kanë ndëshkuar me të njëjtën masë administrative, 150 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.

Gjatë kontrolleve, shërbimet e Policisë kanë evidentuar 3 subjekte që ushtronin aktivitetin në kundërshtim me protokollet e sigurisë. Për administratorin e secilit subjekt është vendosur masë administrative 1.000.000 lekë.

Gjithashtu, në të gjithë vendin janë ndëshkuar me masë administrative 10.000 lekë, 11 shtetas që janë konstatuar duke lëvizur në këmbë pas orës 20:00.

Në zbatim të masave anticovid, Policia e Shtetit apelon për të gjithë qytetarët dhe drejtuesit e mjeteve që të respektojnë orën policore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes, me qëllim parandalimin e përhapjes së COVID-19.

(R.G/Faxweb.al)

Check Also

Brenda burgut ku po mbahet ish-polici që vrau George Floyd

Ish-polici që vrau George Floyd po mbahet në një burg të sigurisë së lartë, ndërkohë …

Leave a Reply

Your email address will not be published. Required fields are marked *

12 − six =