Home / Ekonomi / Unaza, gara nis nga e para; Sheshi “Shqiponja” do bëhet me nënkalim

Unaza, gara nis nga e para; Sheshi “Shqiponja” do bëhet me nënkalim

Menjëherë pas ndryshimit të projektit, qeveria ka hapur me shpejtësi tenderin për ndërtimin e Unazës së Re në segmentin që përfshin rrethrrotullimin e “Shqiponjës”.

Autoriteti Rrugor Shqiptar shpalli zyrtarisht në faqen e agjencisë së prokurimeve garën për ndërtimin e nënkalimit duke përcaktuar një fond limit 2.25 miliardë lekë ose rreth 19 milionë euro pa përfshirë tatimin mbi vlerën e shtuar.

Sipas njoftimit të ARRSH, afti fundor për dorëzimin e ofertave është data 15 korrik, dhe menjëherë pas shpalljes së fituesit do të nis puna për ndërtimin e veprës në terren.

Ky është tenderi i tretë për rrethrrotullimin e shqiponjës, por tashmë me një projekt të ndryshuar. Projekti i parë që parashikonte ndërtimin e mbikalimit u tenderua dy herë. Tenderi i parë u fitua nga kompania fantazmë “Dh Albania” me një vlerë 20 milionë euro, aq sa fondi limit, por pas shpërthimit të skandalit me falsifikimin e dokumenteve qeveria u detyrua ta anulojë kontratën.

Në tenderin e dytë kostoja e ndërtimit zbriti ndjeshëm deri në 14 milionë euro, por autoriteti rrugor i skualifikoi të gjitha ofertat si të pavlefshme. Menjëherë pas anulimit të garës së dytë, ministria e Infrastrukturës njoftoi se do të ndryshonte projektin teknik të veprës në bashkëpunim me Bashkinë e Tiranës.

Projekti i ri mban të njëjtën vlerë si ai i mëparshmi, por në vend të mbikalimit rrethrrotullimi shqiponja shndërrohet në nënkalim. Sipas bashkisë dhe ministrisë së infrastrukturës, projekti i ri i prezantuar per mbikalimin “Shqiponja” është miratuar nga këshilli teknik dhe ofron një zgjidhje më të mirë për trafikun dhe hapësirat përreth veprës.

Top Channel

Check Also

Fshehu drogë në bagazh! Tentoi ta kalonte në Greqi, prangoset 36-vjeçari

Një tentativë për trafikim të lëndëve narkotike në drejtim të shtetit grek është goditur në …

Leave a Reply

Your email address will not be published. Required fields are marked *

5 × five =