Home / Aktualitet / U tha se ka qenë i dënuar në Belgjikë, reagon mbesa e 27-vjeçarit

U tha se ka qenë i dënuar në Belgjikë, reagon mbesa e 27-vjeçarit

Mbesa e Benjamin Bozhanit, 27-vjeçarit të cilit iu bë atentat mbrëmjen e kaluar në Vlorë ka reaguar për të kaluarën e të ndjerit. Me anë të një statusi në Facebook, thotë se nuk ka qenë asnjëherë në Belgjikë, aq më tepër i dënuar për ndonjë vepër penale.

Aurora Allushaj i bën thirrje mediave që të mos rëndojnë shpirtin e askujt për luftë klikimesh por të lënë familjarët në dhimbjen e tyre.

“Kolegë ju lutem ruani etikën dhe profesionalizmin. Respektoni dhimbjen e njerëzve dhe mos shkruani informacione të rreme. Familja e dajos tim nuk duhet të përdhoset kështu. I ndjeri. Nuk ka qenë kurrë në Belgjikë e pak më shumë të ketë qenë i dënuar. Nuk është momenti të bëni luftë klikimesh duke rënduar shpirtin e dikujt që ka dhimbje me shumicë. Ju lutem na lini në dhimbjen tonë nëse ju ka mbetur ndopak njerëzillëk”, shkroi Allushaj.

Kanë kaluar disa orë nga ekzekutimi i 27-vjeçarit Benjamin Bezhanaj (Bezhani) në qytetin e Vlorës dhe ende nuk ka asnjë të ndaluar si të dyshuar për ngjarjen e rëndë, që rikthen edhe njëherë tjetër frikën nga krimi në qytetin bregdetar.

Policia ndodhet ende në vendin e ngjarjes në fshatin Dukat, duke kryer kontrolle në të gjithë rrugicat e fshatit, ndërsa ka zgjeruar dhe perimetrin e sigurisë, në vendin ku u vra me 8 plumba Bezhanaj.

30-vjeçarit i bënë pritë teksa po kthehej për në banesën e tij, pasi kishte lënë në shtëpinë e saj të fejuarën, ndërkohë që dyshohet se i ka pikasur autorët, por nuk ka mundur që të shpëtojë prej tyre.

Grupi hetimor ka ndërtuar ndërkohë dhe skemën paraprake sesi ka ndodhur ngjarja, ku edhe sot janë të vendosura shiritet e skenës së krimit.

I riu po hynte me mjetin e tij në fshatin Dukat. Në fund të rrugicës ka parë që i është bërë pritë dhe pa dalë nga makina, ka ecur me shpejtësi mbrapsht. Ndërkohë është qëlluar në drejtim të tij. Pa dalë nga rrugica, ka humbur kontrollin dhe ka përfunduar në kanal. Aty i janë afruar dhe kanë qëlluar sërish në drejtim të tij, duke e lënë pa jetë pasi e kanë qëlluar me breshëri plumbash.

Gazetarja e Fax News Afrovita Hysaj raporton se Policia po heton mbi të shkuarën e tij në Itali por edhe për ndonjë konflikt në Shqipëri. E vështirë për policinë pista e dytë, pasi i riu rezulton pa precedent penal dhe i papërfshirë në konflikte. Në Dukat njihet si familje e qetë, babai punon në administratën e njësisë Administrative, ndërkohë që ngjarja ka lënë të shokuar të gjithë të afërmit e familjes.

Sa i takon zonës ku ka ndodhur ngjarja ajo është e pandriçuar mirë, dhe nuk bëhet fjalë që të ketë kamera sigurie në afërsi, ç’ka mund ta bëjë më të vështirë identifikimin e autorëve, të cilët janë larguar të pashqetësuar nga vendi i krimit. (A.M/Faxweb.al)

Check Also

Ilir Meta dekoroi një nga “mafiozët” e përgjimeve të “Ndraghetës”

Më 23 prill 2018, presidenti i Republikës Ilir Meta ka pritur në Presidencë dhe ka …

Leave a Reply

Your email address will not be published. Required fields are marked *

eight + 12 =