Home / Bota / Turqia pritet të shkëputë marrëdhëniet me Emiratet e Bashkuara Arabe

Turqia pritet të shkëputë marrëdhëniet me Emiratet e Bashkuara Arabe

Presidenti i Turqisë, Recep Tayyip Erdogan, ka thënë se Ankaraja mund të tërheqë ambasadorët e saj nga Abu Dhabi, pasi që Emiratet e Bashkuara Arabe vendosën të normalizojnë marrëdhëniet me Izraelin.

Ministria e Jashtme e Turqisë gjithashtu ka thënë se historia kurrë nuk do të harrojë “sjelljen hipokrite” të Emirateve me një marrëveshje të tillë, gjë e cila i ka ndryshuar politikat në Lindjen e Mesme, shkruan Al Jazeera.

Udhëheqësit palestinezë e denoncuan këtë marrëveshje si “thikë në shpinë” ndaj kauzës së tyre, transmeton KOHA.

“Ky gjest kundër Palestinës nuk mund të tolerohet. Tani Palestina ose do të mbyllë, ose do të tërheqë ambasadën e saj në Emirate. E njëjta gjë vlen edhe për neve”, tha Erdogan të premten.

Marrëveshja e ndërmjetësuar nga SHBA-ja, ka bërë që Emiratet e Bashkuara Arabe të themelojnë marrëdhënie të plota me Izraelin, pas Egjiptit në vitin 1979 dhe Jordanisë në vitin 1994.

Turqia ka lidhje diplomatike dhe tregtuese me Izraelin, por marrëdhëniet janë të tendosura me vite. Në vitin 2010 komandot izraelite vranë 10 aktivistë turq që po përpiqeshin të thyenin një bllokadë në Rripin e Gazës, që udhëhiqet nga lëvizja palestineze Hamas.

Check Also

Koreja e Veriut qëllon dhe djeg një zyrtar civil të Koresë së Jugut

SEUL, KOREJA E JUGUT – Ushtria e Koresë së Jugut njoftoi se Koreja e Veriut …

Leave a Reply

Your email address will not be published. Required fields are marked *

17 − 7 =