Home / Aktualitet / Trafik dhe kultivim droge, arrestohen dy të rinj nga Policia e Lezhës.

Trafik dhe kultivim droge, arrestohen dy të rinj nga Policia e Lezhës.

Dy të rinj janë arrestuar nga Policia e Lezhës, pasi akuzohen për kultivim dhe shitje të lëndëve narkotike. Burime bëjnë me dije se Edison Daja  është arrestuar për “Prodhim dhe shitje të narkotikeve” dhe Paulin Gjergji për “Kultivimi të bimëve narkotike”.

Njoftimi i policisë:

Shërbimet e Policisë, kontrolle të shtuara në të gjithë qarkun Lezhë, për parandalimin dhe goditjen e paligjshmërisë. Evidentohet dhe goditet një tjetër rast i tentativës për kultivim të kanabisit, arrestohet në flagrancë 1 shtetas.  

Gjithashtu, goditet një rast i shpërndarjes së lëndëve narkotike në doza, vihet në pranga 1 shtetas.

Shërbimet e Policisë Mirditë, në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, gjatë kontrollit të territorit, bazuar dhe në informacionet e marra në rrugë policore, kanë evidentuar dhe goditur një rast të tentativës për kultivim të kanabisit, në Rubik, Mirditë.

Në përfundim të veprimeve, specialistët për Hetimin e Krimeve në Komisariatin e Policisë Mirditë arrestuan në flagrancë shtetasin P. Gj., 30 vjeç, banues në Ungrej, Lezhë, pasi është kapur në kushtet e flagrancës, duke tentuar të kultivojë bimë narkotike cannabis sativa në vendin e quajtur “Përroi i Nërshenës”, në Rubik, Mirditë. 

Shërbimet e Policisë Lezhë kishin siguruar informacione në rrugë operative, për një shtetas që shpërndante lëndë narkotike në doza të vogla, në Shëngjin, Lezhë. Pas lokalizimit dhe ndalimit, gjatë kontrollit të ushtruar në çantën e tij u gjetën dhe sekuestruan në cilësinë e provave materiale 17 doza me lëndë narkotike të dyshuar cannabis sativa dhe një sasi lekësh të dyshuar të përftuar nga ky aktivitet kriminal.

Në vijim të veprimeve, specialistët për Hetimin e Narkotikëve në Drejtorinë Vendore të Policisë Lezhë bënë arrestimin në flagrancë të shtetasit E. D., 22 vjeç, banues në Shëngjin, Lezhë, për veprën penale “Prodhimi dhe shitja e narkotikëve”.

Materialet hetimore i kaluan Prokurorisë së Rrethit Gjyqësor Lezhë, për veprime të mëtejshme.

Check Also

Programi që zbuloi gënjeshtrën e bashkëshortit-vrasës në Greqi

Babis Anagnostopoulos, bashkëshorti i Calorine Crouch, gruas britanike të vrarë në Greqi, u tha policëve …

Leave a Reply

Your email address will not be published. Required fields are marked *

8 + 16 =