Home / Aktualitet / Sara Hoxha pranon se ka qenë e infektuar, rrëfen eksperiencën e tmerrshme dhe pasojat që i vuan ende

Sara Hoxha pranon se ka qenë e infektuar, rrëfen eksperiencën e tmerrshme dhe pasojat që i vuan ende

Trashëgimtarja e “Top Media”, Sara Hoxha, e pyetur sot në Instagramin e saj nëse është e sigurtë që të udhëtohet gjatë një pandemie, ka zbuluar se ka qenë e infektuar.

“A është e sigurtë të udhëtosh gjatë pandemisë?”, ishte pyetja që Hoxha iu përgjigj hapur në Instagramin e saj.

“Duke qenë se virusin e mora në Dhërmi, me shumë gjasa është ok. Nëse mbrohesh në ambiente të mbyllura dhe aty ku mundesh mban distancë, duhet të jetë mirë.

Nuk jam eksperte, kështu që bëj kërkimet e tua dhe besoji vetes”, ka shkruar Sara në postimin e saj në Instastory.

Sara rrëfeu se simptomat i ishin shfaqur shpejt dhe për fat të mirë, virusin nuk ia kishte transmetuar bashkëshortit apo fëmijëve.

Pas ditëve të tëra vuajtje, ajo kishte arritur të bëhej mirë, megjithatë ankthi vazhdon të jetë prezent në jetën e saj, ashtu si dhe rënia e flokëve për shkak të virusit.

“Unë jam më mirë tani. U infektova rreth një muaj më parë në plazh, së bashku me disa miq. E kuptova menjëherë që e kisha pasi kisha dridhje të tmerrshme të trupit dhe më pas ethe, lodhje, dhe një dhimbje të çmendur koke që ma bënte të pamundur të shihja dritën.

Zgjati 4-5 ditë. Kam fjetur 16-17 orë në ditë, çfarë është shumë e pazakontë për mua. Në ditën 6/7 nuk mund të nuhasja apo të ndjeja shije…Gjithçka filloi të përmirësohej në ditën e 10. Ethet zgjatën dy ditë. Bashkëshorti dhe fëmijët nuk u infektuan dhe unë u largova për dy javë. Simptomat janë të vështira (ndonëse unë jam me fat) por presioni mendor nga izolimi dhe frika që të shkakton Koronavirusi është një çmenduri!

Akoma nuk ndihem 100%. Mund të them që jam diku te 60-ta. Ankthi im është i vazhdueshëm, nuk fle mirë, punët e përditshme më lodhin shpejt dhe flokët vazhdojnë të më bien”, ka shkruar Sara.

Check Also

Shifrat e fundit/ 3 viktima nga COVID-19, ja sa raste të reja u shënuan gjatë 24 orëve

Ministria e Shëndetësisë ka bërë publike shifrat e fundit përsa i përket situatës së koronavirusit …

Leave a Reply

Your email address will not be published. Required fields are marked *

one × 2 =