Home / Kryesore / Sa i sëmurë është Papa Benedikti XVI?

Sa i sëmurë është Papa Benedikti XVI?

Pas një njoftimi në media për një sëmundje të rëndë të ish-Papës, Vatikani po përpiqet t’i qetësojë besimtarët e preokupuar: “Shëndeti i Benediktit nuk është shumë shqetësues”, bëhet e ditur.

Duke iu referuar Georg Gänswein, sekretarit personal të Benediktit të XVI, zyra e shtypit të shtetit të kishës shkruan: “Gjendja shëndetësore e ish-Papës nuk jep shkas për t’u shqetësuar – pavarësisht moshës së thyer të 93 vjeçarit, i cili po e përballon një fazë akute të një sëmundjeje me dhimbje, por jo serioze.”

Në këtë mënyrë Vatikani reagoi ndaj një njoftimi të gazetës “Passauer Neue Presse”. Kjo gazetë shkruante, se Benedikti pas një udhëtimi në Regensburg në qershor është sëmurur rëndë. Joseph Ratzinger, sikurse është emri i Emeritus Papës, udhëtoi për t’i qendruar pranë në ditët e fundit të vëllait më të moshuar. Georg Ratzinger i vëllai i tij, ndërrroi jetë pak pas largimit të Benediktit, në fillim të korrikut në moshën 96 vjeçare.

Benedikti vuan nga një herpes në fytyrë e shkaktuar prej viruseve, tha biografi i papës Peter Seewald. Ai e ka takuar 93 vjeçarin fundjavën e kaluar për t’i dorëzuar atij librin e nxjerrë në qarkullim në maj “Benedikti i XVI – Një jetë”. Seewald e përshkruan ish-kreun e Kishës Katolike si mjaft të brishtë. Ndonëse ai është i kthjellët në mendime dhe në kujtesë, zëri i tij është mjaft i dobët.

Si vendin e prehjes së tij Benedikti, sipas Seewald, ka varrin e të shenjtit Papa Gjon Palit të II në kriptën e Katedrales së Shën Pjetrit. Me këtë paraardhës ai ndihet mjaft i lidhur. Sarkofagu i të shenjtit Papa Gjon Pali i II ndërkohë do të vendoset në nderim në një kishëz anësore të katedrales.

Check Also

Shpërthim i fuqishëm në mes të Beogradit, 1 të vdekur e 2 të plagosur

Në Beograd, në parkingun e Radio Televizionit të Serbisë, para orës 10, është raportuar një …

Leave a Reply

Your email address will not be published. Required fields are marked *

8 + five =