Home / Aktualitet / Presidenti Meta nuk gjen qetësi, kërkon rinumërim të votave të pavlefshme

Presidenti Meta nuk gjen qetësi, kërkon rinumërim të votave të pavlefshme

Presidenti Ilir Meta ka nxjerr sot shifrat e votave të pavlefshme në vitin 2013, 2017 dhe ato në zgjedhjet e 25 prillit.

Me anë të një postimi në rrjetet sociale ai shprehet se në në zgjedhjet e 25 prillit janë rreth 5% e votave të pavlefshme, teksa shkruan se umërimi dhe rinumërimi i çdo vote të pavlefshme është vendimtar për të rritur besimin e qytetarëve.

Postimi i plotë i Metës:

Në zgjedhjet e vitit 2013 vetëm 1.39 përqind e votave ishin të pavlefshme.

Në vitin 2017 vetëm 1.98 përqind e votave u shpallën të pavlefshme.

Aktualisht, sipas rezultateve paraprake të KQZ, kemi 5 përqind fletë votimi të pavlefshme.

Ndaj numërimi dhe rinumërimi i çdo vote të pavlefshme është vendimtar për të rritur besimin e qytetarëve, të cilët mbajtën radhë të gjata për të shprehur vullnetin e tyre më 25 prill.

Me qetësi dhe transparencë është tepër e rëndësishme, që ky proces, të vazhdojë deri në fund.

Krijimi i fokuseve të tjera, përtej kësaj çështjeje madhore për besimin te zgjedhjet dhe demokracia, është vetem vijim i teatrit të radhës kundër Sovranit dhe vullnetit të Tij.

Deri tani janë rreth 50 mijë vota të pavlefshme më shumë se në vitin 2017 dhe rreth 60 mijë vota të pavlefshme më shumë se në vitin 2013, ndërkohë që 8 vite më parë votuan rreth 80 mijë qytetarë më shumë se sa në zgjedhjet e 25 prillit.

Në demokraci qytetarët marrin pjesë në zgjedhje për t’i dhënë vlerë vullnetit të tyre dhe jo për ta bërë atë të pavlerë.

Të rikthejmë besimin te vlera dhe barazia e votës sa më parë, me transparencë maksimale sipas Kodit Zgjedhor.

📌 Bashkëngjitur statistikat krahasuese të vitit 2013, vitit 2017 dhe 25 prillit 2021.

Check Also

Yuri Kim publishes photos of Albanian-American Navy: They are training together to strengthen skills and cooperation

US Ambassador Yuri Kim has published on Twitter some photos, where American and Albanian soldiers …

Leave a Reply

Your email address will not be published. Required fields are marked *

three × 1 =