Home / Aktualitet / Presidenti Meta i bën thirrje qeverisë për menaxhimin e situatës: Të miratohet pa vonesë koordinimi me sistemin privat

Presidenti Meta i bën thirrje qeverisë për menaxhimin e situatës: Të miratohet pa vonesë koordinimi me sistemin privat

Presidenti Ilir Meta ka reaguar për situatën e pandemisë në vendin tonë dhe i ka bërë thirrje qeverisë që të bëjë gati planin strategjik pasi sistemi shëndetësor rrezikon të zhytet në kolaps. Gjatë 24 orëve të fundit janë kryer rreth 2700 testime, por Meta thekson se do duhet të jetë akoma më i lartë si dhe të ketë plan koordinimi me sistemin privat.

Meta gjithashtu bën thirrje që të rimbursohen plotësisht shhpenzimet e qytetarëve, vecanërisht ato familje me ndihmë ekonomike dhe pensionistë.

Postimi i plotë: Në mungesë të një plani dhe strategjie konkrete për të përballuar përhapjen masive të pandemisë COVID-19, të reflektuar me shtim çdo ditë të numrit të qytetarëve të infektuar, fatkeqësisht edhe të humbjeve në jetë, sistemi shëndetësor rrezikon të zhytet në kolaps të thellë, me pasoja tepër të rënda për shëndetin e qytetarëve.

Në këto kushte, është tepër e domosdoshme të shtohet masivisht numri i testimeve, si një mjet efikas për gjurmimin dhe trajtimin në kohë të qytetarëve të prekur nga COVID-19.

Për këtë qëllim të miratohet pa vonesë edhe një plan koordinimi i qartë dhe transparent me sistemin privat, për të bashkuar të gjitha energjitë dhe kapacitet e duhura.

Thelbësore gjithashtu është vënia në efiçencë të plotë të mjekut të familjes, shtimi i stafit mjekësor dhe atij mbështetës, si dhe planifikimi i buxhetit të duhur në ndihmë të tyre.

I bëj thirrje Qeverisë të bëjë çdo përpjekje për rimbursimin e plotë të shpenzimeve, veçanërisht të pacientëve që mjekohen në banesë, të familjeve me ndihmë ekonomike dhe të pensionistëve.

(A.M/Faxweb.al)

Check Also

SHBA sanksione ndaj kompanive kineze e ruse; kanë bashkëpunuar me Iranin

Shtetet e Bashkuara njoftuan sanksionet ekonomike të premten ndaj kompanive kineze dhe ruse që Uashingtoni …

Leave a Reply

Your email address will not be published. Required fields are marked *

16 − 13 =