Home / Aktualitet / Policia futet në aksion, lum gjobash për qytetarët dhe bizneset në 24-orët e fundit

Policia futet në aksion, lum gjobash për qytetarët dhe bizneset në 24-orët e fundit

Rritja e kurbës së infektimeve në vend ka sjellë dhe riaktivizimin e Policisë së Shtetit si një instrument force për ndërgjegjësimin e qytetarëve në respektimin e masave anti-Covid.

Gjatë 24-orëve të fundit janë gjobitur për shkelje të protokollit anti-Covid, si rrallëherë 2606 qyteatrë me masë administrative 3.000 lekë, 13 administratorë dhe pronarë lokalesh me nga 1.000.000 lekë, 2 administratorë lokalesh me pezullim të aktivitetit, si dhe janë gjobitur 52 shtetas me nga 10.000 lekë, pasi janë konstatuar duke lëvizur pas orës 22:00.

Njoftimi i plotë: Policia e Shtetit

Intensifikohen kontrollet për zbatimin e masave anticovid.

Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren, në të gjithë vendin, për të monitoruar zbatimin e masave për parandalimin e përhapjes së COVID-19.

Gjatë mbrëmjes së djeshme, në Tiranë janë ndëshkuar me pezullim të lejes së drejtimit,  61 drejtues mjetesh, të cilët u konstatuan duke lëvizur me mjet pas orës 22:00.

Po në kuadër të monitorimit të zbatimit të masave anticovid, gjatë ditëve të fundit, në të gjithë vendin janë ndëshkuar me masë administrative 3.000 lekë, për mosvendosjen e maskës, 2606 shtetas;

13 administratorë dhe pronarë lokalesh që ushtronin aktivitetin në kundërshtim me protokollet e sigurisë janë ndëshkuar me nga 1.000.000 lekë;

2 administratorë lokalesh me pezullim të aktivitetit për 6 muaj, pasi janë konstatuar në shkelje të përsëritur;

41 drejtues mjetesh janë ndëshkuar me pezullim të lejes së drejtimit për tre vjet,

52 shtetas janë ndëshkuar me nga 10.000 lekë, pasi janë konstatuar duke lëvizur pas orës 22:00.

Ndërkohë, Drejtori i Përgjithshëm i Policisë së Shtetit Ardi Veliu, pas apelit dhe thirrjes drejtuar qytetarëve për respektim me rigorozitet të masave kufizuese anticovid, ka dalë sërish në terren për të monitoruar nga afër zbatimin e këtyre masave.

Policia e Shtetit apelon edhe njëherë për të gjithë qytetarët që të zbatojnë me rigorozitet masat anticovid, pronarët dhe administratorët e lokaleve të zbatojnë protokollet e sigurisë, ndërsa drejtuesit e automjeteve të respektojnë orën policore, pasi kontrollet do intensifikohen akoma më tej, në bashkëpunim edhe me Task Forcën, për të bërë të mundur ndërprerjen e zinxhirit të infektimit të qytetarëve me COVID-19.

Check Also

Aksion i madh në kryeqytet, arrestohen 8 zyrtarë të Policisë, akuzat që rëndojnë mbi ta

8 zyrtarë të policisë së Kosovës janë vënë në pranga me urdhët të Prokurorisë. Ky …

Leave a Reply

Your email address will not be published. Required fields are marked *

12 − 5 =