Home / Aktualitet / Ofrojnë pagë deri në 2.000 euro, pse askush nuk dëshiron të punojë në Kroaci

Ofrojnë pagë deri në 2.000 euro, pse askush nuk dëshiron të punojë në Kroaci

Pagat e barabarta u garantohen marinarëve të huaj në anijet që mbajnë flamurin kroat.

Fuqia punëtore në të ashtuquajturat profesione detare të ulëta të flotës kroate në lundrimin ndërkombëtar është e vjetër dhe nuk rinovohet – këta janë kryesisht njerëz në moshë pensioni, kur shumë prej tyre janë të sëmurë dhe nuk duhet të lundrojnë më dhe të bëjnë punë të vështirë, nga 55 vjeç e tutje, me shumicën e tyre që kanë më shumë se 60.

Sipas Jutarnji list, marinarët e ri kroatë, pasi kanë mbaruar shkollën e mesme, duan të vazhdojnë arsimin e tyre dhe interesohen vetëm për profesione nderi, kështu që mungesa e fuqisë punëtore është ajo që prek të gjithë pronarët e anijeve kroate anijet e të cilëve mbajnë flamurin kroat në lundrimin ndërkombëtar.

Për të zgjidhur këtë problem, një marrëveshje kolektive u nënshkrua shkurtin e kaluar, e cila lejonte detarë nga vendet e treta, vendet jo-BE, të lundronin me anije nën flamurin kroat, dhe Ministria e Detit, Çështjeve Detare dhe Komunikimeve filloi të njohë licencat detare të vendeve të tjera, transmeton kosovapress.

Marrëveshja e re kombëtare kolektive për detarët, shtetas të vendeve të treta me anije në lundrimin ndërkombëtar të kombësisë kroate, e cila është e vlefshme deri më 31 dhjetor 2022, u nënshkrua këtë vit, më 13 janar.

Sidoqoftë, sipas Sandra Vidas, drejtoreshë e Shoqatës kroate Mare Nostrum, asnjë detar i huaj nuk ka hipur ndonjëherë në anijet që mbajnë flamurin kroat.

“Ne kemi punuar për zgjidhjen e këtij problemi për katër vjet dhe jemi ende duke punuar për heqjen e pengesave burokratike për punësimin e detarëve të huaj. Po flasim ekskluzivisht për profesionet detare, për të cilat nuk ka furnizim në tregun kroat të punës, megjithëse kërkesa është e lartë, por të rinjtë duan të trajnohen për profesione nderi”, tha Vidas.

Ajo tregon se marrëveshja e re kolektive garanton paga të barabarta për detarët e huaj që lundrojnë me anije nën flamurin kroat dhe se varësisht nga lloji i anijes, puna dhe kontrata, ato mund të shkojnë nga 10-15 mijë kuna kroate ose 1.300 deri 2.000 euro, ndërkohë që kanë nevojë për rreth njëqind detarë.

“Ka pasur përvoja të ndryshme me filipinasit, por në fund doli që për nga mentaliteti, dieta dhe gjithçka tjetër, më së shumti na përgjigjen ukrainasit”, tha Vidas.

Megjithatë, ajo nuk mendon se mungesa e fuqisë punëtore do të rrezikojë pronarët e anijeve kroate, pasi që Bashkimi Evropian planifikon kalimin në motorët elektrikë deri në vitin 2030, kështu që nevoja për profesione më të tilla do të bëhet dukshëm më e vogël./Telegrafi

Check Also

“Kush o komunist këtu oooo të djathtë?” Rama me tone të ashpra nga Durrësi

Rama: Kanë gjë të bukur këta se thonë se jam anti-komunist se më kanë dërrmu …

Leave a Reply

Your email address will not be published. Required fields are marked *

twelve − twelve =