Home / Aktualitet / Nuk justifikoi milionat, shkarkohet nga detyra gjyqtari i Apelit Shkodër pasi kaloi në “sitën” e Vetting-ut

Nuk justifikoi milionat, shkarkohet nga detyra gjyqtari i Apelit Shkodër pasi kaloi në “sitën” e Vetting-ut

Gjyqtari i Gjykatës së Apelit Shkodër, Selim Kryeziu është shkarkuar sot nga detyra.

Vendimi është dhënë nga Komisioni i Pavarur i Kualifikimit, ndërkohë që gjyqtarit i janë gjetur probleme me pastërtinë e figurës.

Kujtojmë se Kryeziu e ka nisur karrierën në sistemin e drejtësisë në vitin 1998 si gjyqtar në Gjykatën e Librazhdit. Ndërkohë, në vitin 2006, ai është emëruar inspektor pranë Këshillit të Lartë të Drejtësisë, ndërsa në vitin 2012 u promovua si gjyqtar në Gjykatën e Apelit të Shkodrës.

Sipas një raporti të Birn, gjyqtari Selim Kryeziu rezultoi me burime të pamjaftueshme financiare për të justifikuar shtimin e pasurisë në vitin 2005 dhe 2015; përkatësisht në vlerat e 204 mijë dhe 1.4 milionë lekëve. Gjatë këtyre viteve, subjekti ka deklaruar vit pas viti kursime në cash, por në asnjë rast nuk deklaron pakësimin e tyre me qëllim investimet në pasuri të patundshme.

Check Also

Bastardët po negociojnë me Greqinë për detin

Nga Spartak NGJELA – Të gjithë këta bastardë që kanë negociuar dhe po negociojnë me …

Leave a Reply

Your email address will not be published. Required fields are marked *

20 − 10 =