Home / Kryesore / Një prozë pak e njohur e Lasgush Poradecit

Një prozë pak e njohur e Lasgush Poradecit

Nga Petro MEJDI –
Për këtë prozë flitet dhe në ” Ikja e shtërgut ” e Ismail Kadaresë si dhe në librat e Tomi Matos dhe Meri Lalajt me kujtimet e tyre për Lasgushin .
Është i vetmi numër i revistës ” Klan ” që më ra në dorë , e bleva në një periptero në Rafinë para shumë vitesh .Dhe kishte brënda një thesar letrar , i cili më befasoi .Poradeci kishte shkruar dhe prozë .Deri atëhere e dija se veç poezisë kishte dhe një epistolar të pasur .
Kur fillova që të shkruaj në profilin tim , mendova që të njihja dhe të tjerët me këtë perlë letrare , perlë si letërsi , perlë dhe për faktin se na zbulon një anë tjetër të krijimtarisë së Lasgushit .Por njera nga vajzat e poetit ma ndaloi këtë ide timen .
Vendosa që të sjell në mënyrë të përmbledhur shkrimin e studjuesit Henri Çili, i cili shoqëron botimin e kësaj proze në revistën ” Klan ” dhe një fragment , datën e fundit të ditarit , 17 Korrik 1978 ,ditë në të cilën Lasgushi përcjell për herë të fundit në autobuz zonjën Ana .
Fragmente nga shkrimi i Henri Çilit .
“Do ta besoja se isha sëmurur prej tij dhe ta kisha parë vërtet në ëndërr dorëshkrimin e paqënë , sikur të mos kisha dëshmitare time shoqe ,me të cilën i lexuam bashkë ato faqe të mrekullueshme.”
Kështu shkruan Ismail Kadare në ” Ftesë në studio ” , ku për herë të parë dhe të vetme është folur për ekzistencën e një dorëshkrimi misterioz të lënë nga Lasgush Poradeci ….
Kadare flet për një person, i cili ia kishte marrë Lasgushit këtë prozë dhe ia kishte dhënë shkrimtarit për ta lexuar vetëm për një natë .
” Më pas – thotë Kadare – kur pas vdekjes së Lasgushit , e pyeta për fatin e dorëshkrimit ,ma mohoi .” Nuk ju kam dhënë kurrë një dorëshkrim të tillë , dhe as e kam patur kurrë në dorë “- më tha duke më vështruar si të më thoshte : ndoshta e kini parë në gjumë ….”
Dorëshkrimi i ditarit , i cili , në një farë mënyre mbahej sekret nga” patriarku ” , u gjet në mes të mizërisë së librave , fletëve , materialeve me të cilat Lasgushi kishte mbushur kullën e tij në Pogradec apo shtëpinë në Tiranë….
Dorëshkrimi kopjohet nga miq dhe të afërt të kullës së tij .Ai ishte kopjuar saktësisht , ( për fat Lasgushi kishte bukurshkrim ) deri në bashkëtingëlloret apo zanoret e shtuara në fjalë , për efekt të muzikalitetit tipik të gjuhës së tij .Në gjallje të poetit qarkulloi në pak duar .
Pas vdekjes së poetit në vitin 1987 egzistenca e këtij shkrimi mohohet .
Kur pas viteve 90- të Shtëpia Botuese ” Onufri” tentoi që ta botonte , trashëgimtarët e poetit e heqin nga botimi .

Check Also

Fantazmat e lëvizjeve të kufijve aviten përsëri në Ballkan

Nga Akri  ÇIPA –   Fantazmat e lëvizjeve të kufijve aviten përsëri në Ballkan. Më …

Leave a Reply

Your email address will not be published. Required fields are marked *

2 × 5 =