Home / Aktualitet / Mbyllet mitingu i PD-së/ Kryedemokrati përshëndet qindra qytetarët në shesh

Mbyllet mitingu i PD-së/ Kryedemokrati përshëndet qindra qytetarët në shesh

Është mbyllur mitingu i çeljes së fushatës së Partisë Demokratike, ku mbajtën fjalim me radhë disa përfaqësues të lartë të kësaj force politike.

Në fund të fjalës së Bashës u ngjitën në skenë bashkëshortja Aurela Basha dhe dy vajzat e tij, ndërkohë që kryedemokrati nuk la mangët as përplasjet e duarve me qindra qytetarë të pranishëm.

Siç mund të shihni dhe në pamjet e mëposhtme, Basha shfaqet i buzëqeshur, teksa takon qytetarët, dhe më pas mbështetësit janë shpërndarë, së bashku me makinat e tyre.

Kreu i Partisë Demokratike i ka bërë një thirrje të fortë popullit shqiptar duke i kërkuar që të mos ikë më, por të qëndrojë në vendin e tij dhe të luftojë së bashku me të për t’i rikthyer dinjitetin vendit.

Thirrja e Bashës iu drejtua të gjithë shqiptarëve pa dallim, të cilët përballen më të këqijat e pushtetit aktual dhe të cilëve iu kërkon që të mos dorëzohen, por të luftojnë së bashku me kreun e opozitës, sepse situata do të ndryshojë me ardhjen në pushtet të Partisë Demokratike, sipas Bashës.

Mos ik, qëndro, lufto me mua, lufto me ne. Thirrja është për ty nënë, mos e lër shpirtin tënd të mbushet me dhembje, thirrja ime është për ty fermer që punon ccdo ditë e gropos prodhimet e tua, thirrja ime është për ju nmijëra familje që ju ka zhytur në borxhe”, tha Basha gjatë fjalës së tij.

(E.K/Faxweb.al)

Check Also

Si Kina dhe Rusia po përdorin fuqinë e tyre për të kërcënuar demokracitë

Nga Christopher WALKER & Jessica LUDWIG *- Demokracitë kanë hasur jo pak vështirësi, ndërsa autokracitë …

Leave a Reply

Your email address will not be published. Required fields are marked *

five × four =