Home / Bota / Lajme të mira vijnë nga Kina/ Aprovohet vaksina kundër Covid-19
Neal Browning receives a shot in the first-stage safety study clinical trial of a potential vaccine for COVID-19, the disease caused by the new coronavirus, Monday, March 16, 2020, at the Kaiser Permanente Washington Health Research Institute in Seattle. Browning is the second patient to receive the shot in the study. (AP Photo/Ted S. Warren)

Lajme të mira vijnë nga Kina/ Aprovohet vaksina kundër Covid-19

Kina aprovon vaksinën e parë të saj kundër Covid-19. Ajo emërtohet “Ad5-nCoV” dhe është zhvilluar nga Akademia Ushtarake Mjekësore-Shkencore në bashkëpunim me firmën private të bioteknologjisë “CanSino”.

Marrja e patentës i hap rrugën prodhimit në masë dhe në kohë të shpejtë në rast të një rikthimi të pandemisë, bëri me dije Administrata Kombëtare Intelektuale e Kinës. Aprovimi i vaksinës është arritur më 11 gusht, por vetëm tani është publikuar, pasi shkencëtarët kanë kërkuar një konfirmim shtesë për efikasitetin dhe sigurinë.

“Ad5-nCoV” përdor një virus të zakonshëm të ftohjes, por më të dobët, duke futur material gjenetik të koronavirusit të ri në trupin e njeriut. Qëllimi i këtij procesi është të trajnojë trupin për të prodhuar antitrupa që njohin dhe luftojnë Covid-19.

Faza e dytë e testimeve klinike tregoi se vaksina është e sigurt dhe e aftë të nxisë një kundërpërgjigje të sistemit imunitar, sipas një studimi të publikuar në revistën e njohur shkencore “The Lancet”, muajin e kaluar.

Ndërkohë, faza e tretë është në zhvillim e sipër dhe në të do të përfshihen vullnetarë jo vetëm nga Kina, por edhe nga shtetet e tjera të botës.

Check Also

Sot, shira me stuhi në disa zona të vendit, ja sa do të jenë temperaturat

27 Shtator 2020 – Do të kemi përmirësim të përkohshëm të motit, pra do të …

Leave a Reply

Your email address will not be published. Required fields are marked *

18 − seventeen =