Home / Aktualitet / Ky ilaç po jep efekte kundër COVID, gjendet edhe në Shqipëri

Ky ilaç po jep efekte kundër COVID, gjendet edhe në Shqipëri

Një ilaç që kushton lirë dhe që mund të gjendet në çdo farmaci në botë. Bëhet fjalë për medikamentin që përdoret kundër artritit dhe që mjekët dhe shkëncëtarët po e shohin se ka potencialin për të ulur ndjeshëm qëndrimin në spital të pacientëve me Covid-19 dhe nevojën për oksigjen shtesë.

Medikamenti quhet kolikicinë (Colchicine) dhe rezultatet e hulumtimit të ri vijnë nga Brazili, pas një studimi ndërkombëtar i botuar të Mërkurën, që zbuluan se i reduktoi shtrimet në spital dhe vdekjet mes pacientëve me Covid-19 me më shumë se 20%.

Sipas The Gurdian, Colchicine, medimikamenti që përdoret për të trajtuar sëmundjet reumatizmale dhe të artritit, u përshëndet nga studiuesit si potencial për të qenë ilaçi i parë oral për të trajtuar Covid-19 në ambiente ambulatore në një provë të financuar nga qeveria e Quebec dhe filantropëve.

Prova e fundit, e financuar nga fondacionet dhe autoritetet braziliane, sugjeroi që ilaçi mund të zvogëlojë përgjigjen inflamatore të trupit dhe të ndihmojë në shmangien e dëmtimit të qelizave që veshin muret e enëve të gjakut.

“Cilido qoftë mekanizmi i veprimit… kolikicina duket të jetë e dobishme për trajtimin e pacientëve të shtruar në spital me Covid-19”, sipas një raporti mbi studimin klinik të kryer që u publikua në revistën në internet RMD Open, i cili është botuar nga British Medical Journal .

Ky ilaçi gjendet edhe në Shqipëri, sipas informacioneve të para ai kushton 1600 lekë të reja. Natyrisht ky medikament duhet të përdoret jo pa udhëzimin apo rekomandimin e një mjeku, por studimi është shumë shpresëdhënës për të sëmurët të infektuar me Covid dhe që trajtohen në spitale, apo që janë në terapi intensive.

Check Also

Tirana nesër pa drita, ja në cilat zonat do të ndërpritet energjia për disa orë

Operatori i Shpërndarjes së Energjisë Elektrike ka njoftuar banorët e kryeqytetit se ditën e nesërme …

Leave a Reply

Your email address will not be published. Required fields are marked *

four + twelve =