Home / Aktualitet / Kush janë 11 deputetët e rinj të qarkut të Shkodrës

Kush janë 11 deputetët e rinj të qarkut të Shkodrës

Në Shkodër ka përfunduar numërimi i votave për kandidatët, ndërsa askush nuk ia ka dalë që të thyejë herësin, dhe të ndryshojë listën e vendosur nga partitë. Të dhënat e përditësuara nga KQZ në orën 7:00 të së enjtes tregojnë këtë renditje dhe numër votash.

Vlen të theksohet se në Kuvendin e ardhshëm nuk do të jenë pjesë ish-deputetët Bardh Spahia apo Izmira Ulqinaku nga radhët e Partisë Demokratike, dhe Ilir Beqaj nga radhët e Partisë Socialiste. Ndërkohë që një nga më pak të votuarit është kreu i Partisë Demokristianë Nard Ndoka, i cili po ashtu mbetet jashtë parlamentit.

Deputetët e rinj të Shkodrës nga ana e Partisë Socialiste janë: Edona Bilali, e cila ka marrë 2711 vota, Paulin Stërkaj i cili ka marrë 7335 vota dhe Benet Beci i cili ka marrë 6131 vota.

Nga Partia Demokratike e kanë fituar mandatin e deputetit: Helidon Bushati me 6743 vota, Emilja Koliqi me 1364 vota, Ramadan Likaj me 4778 vota, Greta Bardeli me 2753 vota dhe Zef Hila me 5975 vota.

Dy mandate në qarkun e Shkodrës do ti përkasin partisë Social Demokrate, ku Tom Doshi edhe pse është tërhequr nga mandati ka marrë 7886 vota, dhe me largimin e tij në Kuvend pritet që të shkojnë Gledis Çeliku dhe Meri Markiçi.

Po ashtu nga radhët e LSI-së mandatin e ka marrë biznesmeni Agron Çela.

Check Also

Kush janë deputetët që do hetojnë Metën, mazhoranca përdor “të djegurit” për të çuar deri në fund luftën me presidentin

Detaje të reja janë mësuar nga nisma për të shkarkuar presidentin Ilir Meta. Burimet bëjnë …

Leave a Reply

Your email address will not be published. Required fields are marked *

2 × one =