Home / Aktualitet / Kundërshtoi ndryshimet kushtetuese,Rama i përgjigjet deputetit të bundestagut gjerman: Më zhgënjeu, mban krahun e opozitës…

Kundërshtoi ndryshimet kushtetuese,Rama i përgjigjet deputetit të bundestagut gjerman: Më zhgënjeu, mban krahun e opozitës…

Kryeministri Edi Rama i është përgjigjur n/kryetarit të grupit të CDU-CSU së Bundestagut gjerman David Wadephul, i cili kërkoi që ndryshimet kushtetuese të jenë të dakordësuara.

Kreu i qeverisë e quajti qëndrimin e Wadephul jo etik, të zhbalancuar dhe zhgënjyes. Kreu i qeverisë akuzoi zyrtarin gjerman se mban anën e opozitës dhe se nënçmoi Kuvendin.

Pyetje: Ditën e djeshme në një prononcim Wadephul, u shpreh se ndryshimet kushtetuese nëse do të miratohen, do të ishin shkelëse, a ju shqetësojnë këto qëndrim?

Rama: Nuk jam në dijeni të një deklarimi të ministrit (gjerman) do ta shoh. Por nuk ndryshon. Gjermania është një pikë referimi e mbarë botës. Deklarimi i zotit David Wadephul ishte zhgënjyes në planin etik, i zhbalancuar në planin politik. Është një mik i mirë i Lulzim Bashës dhe i imi, kam një komunikim të vazhdueshëm me të dhe e çoj për të ndihmuar në letësimin e marrëdhënieve politike. Çmoj edhe faktin që është europian i palëkundur dhe vizionit për Ballkanin Perëndimor. Respekti dhe mirënjohja për cdo orë.

Deklarimi i djeshëm nënçmon parlamentin e Shqipërisë, sikur të ishte noter pa të drejtë fjale. Jemi 100% dakord që duhet miratuar, por nuk mund të jetë kusht për të ndaluar parlamentin të shkojë përtej saj për të demokratizuar më tej zgjedhjet, ky është nxitimi në planin institucional. Në planin etik, ishte zhgënjyes sepse nuk mund të flitet me të dëgjuar, por me fakte të verifikuara. Ai nuk e ka sajuar, por e ka dëgjuar se nisma kushtetuese ndalon koalicionet, kjo është e pavërtetë. Koalicionet as nuk do të ndalohen dhe nuk mund të ndalohen, ato thjeshtë do të jenë si në cdo vend të Europës, ku partitë kanë liri të grupohen dhe të paraqiten me kandidatët e tyre, sikur bën CDU-ja me CSU-në. Ai mban krahun e opozitës jashtë parlamentare” tha Rama.

Check Also

DW: Rama në Berlin, nuk pritet nga Merkel, as nga drejtuesit e CDU

Ndryshe nga Maqedonia e Veriut, Shqipëria nuk e ka të sigurt, se do të marrë …

Leave a Reply

Your email address will not be published. Required fields are marked *

14 + eight =