Home / Aktualitet / Kreu i LDK uron Konjufcën për detyrën e re, çfarë i kërkon kryeministrit të ri

Kreu i LDK uron Konjufcën për detyrën e re, çfarë i kërkon kryeministrit të ri

Kryetari i Lidhjes Demokratike të Kosovës, Lumir Abdixhiku e ka nisur fjalën e tij në Kuvend duke e uruar kryetarin e ri të këtij institucioni, Glauk Konjufcën.

“I nderuar kryetar i Kuvendit, fillimisht urime për zgjedhjen tuaj”, tha Abdixhiku, duke vazhduar që të përmend sfidat dhe duke ia dhënë disa këshilla kryeministrit dhe kabinetit të ri qeveritar, raporton Gazeta Express.

“Në qoftë se rendi kushtetues është respektuar me plotni, sot është përmbyllur respektimi i vullnetit të qytetarëve. Është veprim i zakonshëm demokratik”, tha Abdixhiku.

“Si opozitë e re, këtë kapitull e mbajmë të mbyllur sepse respektojmë vullnetin e njerëzve që sot janë me ju, e nesër bëhen me ne”, theksoi ai.

Kryetari i LDK-së tha se sot shumica e ndërton qeverinë njëpartiake, por i tha Kurtit të mos harrojë dhe tha se ai “duhet t’ia kujtojë vetes se 50% tjetër e ka në dy anët tjera”.

Kryeministri që do të zgjidhet sot duhet t’ia kujtojë vetes se nga dita e parë e punës e deri te ajo e fundit, duhet të sillet me dinjitet”, tha tutje Abdixhiku.

Abdixhiku tha se LDK-ja do të mbajë rol opozitar, ndërsa tha se “do ta ushtrojmë me kredibilitet e dinjitet këtë detyrë”.

Check Also

Audio-përgjimi i Lames, reagon për herë të parë kryeministri Rama

Kryeministri Edi Rama ka komentuar audio përgjimet te Artan Lames, i cili u akuzua se …

Leave a Reply

Your email address will not be published. Required fields are marked *

two × three =