Home / Aktualitet / Kërcënohet me vdekje Aleksandër Vuçiç

Kërcënohet me vdekje Aleksandër Vuçiç

Pjesëtarët e Agjencisë serbe të Informacionit dhe Sigurisë (BIA), në bashkëpunim me Prokurorinë për Krime të Teknologjisë së Lartë dhe Ministrinë e Brendshme të Serbisë, mbrëmë arrestuan M.P. (30) nga Paraçini, për shkak të një dyshimi të bazuar se kërcënoi në Facebook presidentin e Serbisë, Aleksandar Vuçiq, njoftoi BIA.

I dyshuari akuzohet për përdorimin e rrjetit social Facebook, ndër të tjera, për të njoftuar dhe thirrur drejtpërdrejt për vrasjen e presidentit të Serbisë, Aleksandar Vuçiq.

Ai në publikim deklaroi se vazhdimisht po shikonte Vuçiqin nëpërmes të nishanit të snajperit. Mbi fotografinë të cilën e postoi, shihet Vuçiqi, presidenti malazes Milo Gjukanoviq dhe anëtari i presidencës së BeH Milorad Dodik, ai shkroi: “Këta të dy u larguan, ndërsa ty Aleksandar Vuçiq do të eliminojë snajperi. E di edhe vet, ajo pikë e kuqe e cila po të përcjellë në dhomën e fjetjes kur e ndal dritën”.

“Vuçiq, unë vetëm të shikoj, e ti nuk di se ku jam. Ti mua nuk më sheh, por unë të shoh nëpërmes të nishanit optik”, ka porositur më tutje në publikimin kërcënues.

Siç pretendon BIA, i dyshuari është ndaluar dhe me konsultim me prokurorin kujdestar, do t’i caktohet ndalimi për 48 orë.

Check Also

Fitorja e Biden nuk ka më dyshime, zotohet Donald Trump

Presidenti Donald Trump u zotua se do të rikthehet në Shtëpinë e Bardhë brenda 4 …

Leave a Reply

Your email address will not be published. Required fields are marked *

thirteen − 5 =