Home / Bota / Izraeli merr vendimin e ashpër “kundër” atyre që refuzojnë vaksinën e COVID

Izraeli merr vendimin e ashpër “kundër” atyre që refuzojnë vaksinën e COVID

Parlamenti izraelit autorizoi sot Ministrinë e Shëndetësisë të zbulojë tek autoritetet e tjera identitetin e njerëzve që nuk janë vaksinuar kundër koronavirusit, duke ngritur shqetësime në lidhje me respektimin e privatësisë së qytetarëve që refuzojnë vaksinën.

Ligji, i miratuar me 30 vota pro dhe 13 kundër, u jep autoriteteve lokale, drejtorit të përgjithshëm të Ministrisë së Arsimit dhe disa anëtarëve të Ministrisë së Çështjeve Sociale mundësinë për të marrë emrat, adresat dhe numrat e telefonit të personave që nuk janë vaksinuar.

Qëllimi i këtij ligji, i cili është i vlefshëm për tre muaj ose deri në fund të pandemisë, është “të lejojë këto organizata të inkurajojnë qytetarët të vaksinohen duke iu drejtuar atyre personalisht”, sipas një deklarate parlamentare.

Izraeli u ka dhënë dy doza të vaksinës Pfizer / BioNTech tre milion njerëzve, ose pothuajse një të tretës së popullsisë me rreth nëntë milion.

Izraeli rihapi qendrat tregtare dhe dyqanet të dielën për të gjithë njerëzit, por ende disa vende janë të hapura vetëm për njerëzit që kanë një “ID të gjelbër”, që do të thotë se ata kanë marrë dozën e dytë të vaksinës të paktën një javë më parë ose janë shëruar nga sëmundja.

Check Also

Zgjedhjet e të dielës, Senati Amerikan mesazh autoriteteve shqiptare

Kryetari i Komitetit të Marrëdhënieve të Jashtme të Senatit Amerikan Bob Menendez (D-N.J.) dhe Anëtari …

Leave a Reply

Your email address will not be published. Required fields are marked *

thirteen + sixteen =