Home / Aktualitet / I dënuar 4 herë, kapet hajduti i portofolave në Tiranë

I dënuar 4 herë, kapet hajduti i portofolave në Tiranë

Policia e Tiranës ka vënë në pranga një 54-vjeçar, i cili akuzohet se ka vjedhur portofolat e disa qytetarëve.

I arrestuari me iniciale Gj.S ishte me banim në Vlorë, por u arrestua në kryeqytet.

Njoftimi i policisë:

Finalizohet nga Komisariati i Policisë nr. 2, operacioni policor i koduar “Portofolat”.

Kapet dhe ndalohet një 54-vjeçar me precedent penal të mëparshëm, i dënuar katër herë për vjedhje.

Zbardhen dhe dokumentohen 4 raste të vjedhjeve me forcë të portofolave.

Shërbimet e Komisariatit të Policisë nr. 2, në vijim të punës për parandalimin, evidentimin dhe zbardhjen e rasteve të vjedhjeve të pronës dhe vënien para përgjegjësisë ligjore të autorëve, si rezultat i punës hetimore dhe profesionale, siguruan prova ligjore për autorësinë e disa vjedhjeve me forcë të portofolave.

Bazur mbi provat e siguruara dhe lokalizimit të vendndodhjes së autorit të dyshuar, u organizua dhe finalizua operacioni policor “Portofolat”, në kudër të të cilit u kap dhe u ndalua shtetasi Gj. S., 54 vjeç, banues në Vlorë, i dënuar 4 herë më parë për veprën penale “Vjedhja”.

Nga tërësia e veprimeve hetimore të kryera ka rezultuar se ky shtetas është autor i vjedhjeve të disa portofolave konkretisht:

Më datë 24.08.2020, ka vjedhur portofolin e shtetases A. S.
Më datë 29.07.2020, ka vjedhur portofolin e shtetases M. M.
Më datë 05.06.2020, ka vjedhur portofolin e shtetases E. G.
Më datë 08.03.2020, ka vjedhur portofolin e shtetases E. B.

Vijon puna për dokumentimin e vjedhjeve të tjera të ndodhura në Qarkun e Tiranës, në të cilat mund të jetë i implikuar ky shtetas.

Materialet i kaluan Prokurorisë së Rrethit Gjyqësor Tiranë, për veprime të mëtejshme për veprën penale “Vjedhja”.

Check Also

Efekte negative të pabesueshme/ Njihuni me arsyet përse nuk duhet të hamë shpesh çamçakëz

Çamçakëzi ka ekzistuar bashkë me njeriun. Sigurisht jo kaq i mirë sa sot. Sot janë …

Leave a Reply

Your email address will not be published. Required fields are marked *

five × two =