Home / Aktualitet / Goditja ndaj grupit kriminal që çonte kokainë drejt Italisë, reagon Policia e Shtetit

Goditja ndaj grupit kriminal që çonte kokainë drejt Italisë, reagon Policia e Shtetit

Mëngjesin e sotëm u finalizua nga policia italiane operacioni “MIRACOLO II”, që çoi në prangosjen e 33 personave të cilët çonin lënë narkotikë kokainë, hashah dhe marijuanë nga Shqipëria drejt Italisë. Pjesë e operacionit ka qenë edhe Policia e shtetit e cila përmes një njoftimi zyrtar bën publik arrestimin e një 28-vjeçari në Fier për llogari të palës italiane.

Njoftimi i plotë: Policia e Shtetit

Finalizohet një tjetër operacion ndërkombëtar për goditjen e një organizate kriminale që merrej me trafikun e kokainës dhe marijuanës në Milano, Itali dhe në Shqipëri.

Operacioni  policor i koduar “MIRACOLO II” u zhvillua në të njëjtën kohë në Itali e Shqipëri , nga Policia italiane, në bashkëpunim me Policinë e Shtetit dhe UCI Albania.

Nga Policia e Shtetit  u angazhuan forcat speciale RENEA, Fast Albania, Interpol Tirana, Drejtoritë Vendore të Policisë  Fier, Tiranë dhe Elbasan.

Mëngjesin e sotëm u finalizua operacioni i quajtur “MIRACOLO II”, për veprën penale “Organizatë kriminale, me qëllim trafikun ndërkombëtar të drogës”.

Deri tani, gjatë këtij operacioni në Itali janë arrestuar 33 persona.

Ndërsa në Shqipëri, në kuadër të operacionit “MIRACOLO II”, u kap dhe arrestua në Fier, me qëllim ekstradimi në Itali, shtetasi R. S., 28 vjeç.

Operacioni “MIRACOLO II” është në vijim të operacionit ” MIRACOLO I”, që ka nisur në vitin 2018, me arrestimin e shtetasit italian Santo Tucci, i cili u kap me 27 kg hashash, 1.7 kg kokainë dhe 2 pistoleta.

Në kuadër të të dy operacioneve ” MIRACOLO I” dhe “MIRACOLO II”   janë sekuestruar 4 kg kokainë, 35 kg hashash, 52 kg marijuanë, 260 mije euro, 2 pistoleta me silenciator dhe fishekë.

Policia e Shtetit tregoi edhe njëherë besueshmëri, profesionalizëm dhe vendosmëri për të punuar përkrah partnerëve, me qëllim goditjen e krimit të organizuar.

Check Also

E rëndë në Tiranë, babai plagos me thikë djalin

Një sherr në familje ka ndodhur dje në Tiranë. Policia njofton se ka arrestuar një …

Leave a Reply

Your email address will not be published. Required fields are marked *

fourteen − seven =