Home / Aktualitet / Gjykata Administrative rrëzon kërkesën e familjarëve të Artan Cukut për dëmshpërblim

Gjykata Administrative rrëzon kërkesën e familjarëve të Artan Cukut për dëmshpërblim

TIRANË

Gjykata Administrative rrëzon kërkesën për dëmshpërblim të familjarëve të ish-komisarit Artan Cuku, të cilët kishin kërkuar mbi 1 milion euro për vrasjen e tij, me pretendimin se ishte kërcënuar dhe më parë dhe shteti nuk kishte marrë masa. Por kërkesa e tyre u rrëzua nga gjykata administrative me argumentin se nuk ka lidhje të drejtpërdrejtë të shtetit me vrasjen e tij.

Artan Cuku, “Dëshmor i Atdheut” u vra duke hyrë në shtëpinë e tij më 8 Prill 2017. Nga hetimet e prokurorisë rezultoi se shkak i vrasjes së tij ishte hakmarrja për shkak të detyrës në kohën që ka qenë drejtues në Vlorë. Deri tani i vetmi që është pas hekurave për vrasjen është ekzekutori Mikel Shallari, i dënuar me 10 vite burg, ndërkohë që bashkëpunëtori dhe mbi të gjitha porositësi ende nuk është vendosur përpara drejtësisë.

Drejtësia shqiptare ngriti akuzën kundër Bledar Jambellit si porositës i vrasjes. Në bazë të hetimeve rezultoi se 38-vjeçari Jambelli e urdhëroi vrasjen e kryekomisarit për shkak se ai e kishte arrestuar në kohën kur mbante detyrën e Drejtorit të Policisë së Vlorës.

Check Also

Plagosje me armë zjarri në Lezhë, identifikohet dhe shpallet në kërkim autori i dyshuar

Një i plagosur me armë zjarri ka mbetur në Lezhë. Autori i dyshuar Xhulio Vokrri, ka plagosur 25-vjeçarin …

Leave a Reply

Your email address will not be published. Required fields are marked *

16 − 15 =