Home / Aktualitet / Gjobiten 393 qytetarë për mosmbajtjen e maskës, rritet numri i personave që thyejnë orën policore

Gjobiten 393 qytetarë për mosmbajtjen e maskës, rritet numri i personave që thyejnë orën policore

Policia e Shtetit bën me dije se gjatë 24-orëve të fundit janë ndëshkuar me gjobë prej 30 mijë lekësh të reja 393 qytetarë, pasi janë konstatuar pa maskë në ambiente të hapura ose të mbyllura.

Gjithashtu janë ndaluar dhe 23 individë të cilët kishin thyer orën policore dhe po qarkullonin në qytete të ndryshme të vendit.. Këta persona janë penalizuar me një gjobë prej 100 mijë lekësh të vjetra.

Gjobës nuk i ka shpëtuar as pronari i një lokali i cili ushtronte aktivitetin ekonomik jashtë orarit të lejuar në kundërshtim me masat për frenimin e virusit.

Njoftimi i plotë: Policia e Shtetit

U konstatuan pa maskat mbrojtëse, ndëshkohen me masë administrative 393 qytetarë.

Ndëshkohet me 1.000.000 lekë një subjekt që ushtronte aktivitetin në kundërshtim me protokollet e sigurisë.

Masë administrative edhe për 23 shtetas që u konstatuan duke lëvizur në këmbë pas orarit të ndalimit të lëvizjes.

Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren në të gjithë vendin, për të monitoruar zbatimin e masës për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.

Si rezultat i këtyre kontrolleve, gjatë 24 orëve të fundit, në të gjithë vendin, Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3.000 lekë secili, 393 qytetarë që janë konstatuar duke lëvizur pa maskat mbrojtëse.

Gjatë kontrolleve janë shoqëruar në ambientet e Policisë në të gjithë vendin, 5 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.

Gjatë kontrolleve të ushtruara në subjekte të ndryshme, shërbimet e Policisë kanë evidentuar një lokal në të cilin ushtrohej aktiviteti në kundërshtim me protokollet e sigurisë. Për këtë subjekt u vendos masa administrative 1.000.000 lekë.

Gjithashtu, gjatë kontrolleve janë konstatuar 23 qytetarë që lëviznin në rrugë pas orës 20:30, pa arsye të domosdoshme, të cilët janë ndëshkuar me masën administrative 10.000 lekë secili.

Policia e Shtetit, krahas punës për parandalimin, evidentimin dhe goditjen e paligjshmërisë, sigurimin e rendit dhe qetësisë publike, do të vijojnë punën për monitorimin e zbatimit të masave anticovid në të gjithë vendin. Në këtë kuadër, Policia apelon për të gjithë qytetarët që të zbatojnë me rigorozitet masat anticovid.

Check Also

“Ka demostruar se është i motivuar të arratiset”, Prokuroria Speciale refuzon lirimin e Kadri Veselit

Zyra e Prokurorit të Specializuar i ka çuar argumentet e saj në Gjykatën Speciale të …

Leave a Reply

Your email address will not be published. Required fields are marked *

13 + nineteen =