Home / Aktualitet / Gazeta zvicerane Tagesanzeiger: Ja pse askush nuk beson më premtimet e Ramës

Gazeta zvicerane Tagesanzeiger: Ja pse askush nuk beson më premtimet e Ramës

Gazeta zvicerane Tagesanzeiger, në një artikull të sajin, shkruan se prej vitesh Kryeministri Edi Rama i premton vendit rritje ekonomike, vende pune dhe dhënies fund të korrupsionit, por askush nuk i beson më.

Nën rregjimin autokratik të qeverisë Rama, partneriteti mes politikës, biznesit dhe krimit të organizuar ka arritur kulmin.

Në shkrimin e medias zvicerane thuhet se ka më shumë se një vit që kur toka u trondit në Laç dhe disa javë nga koha kur Kryeministri Edi Rama shkoi në qytetin e vogël, një orë me makinë në veri të Tiranës për të inauguruar fillimin punimeve për ndërtimin e spitalit të ri, i cili do të zëvendësojë klinikën e shkatërruar.

“Spitali do të ndërtohej në vetëm katër muaj, premtoi ai.

Vizita në Laç tregon se asgjë nuk është ndërtuar deri më sot. Sapo u fikën kamerat televizive dhe Rama u largua, makineritë e ndërtimit ndaluan”, raportoi Tahir Murati, thuhet në artikullin e medias zvicerane.

“Punëtorët e ndërtimit u ndanë. Ishte një premtim tipik i Ramës – asgjë tjetër përveç një marifeti mbi fushatën zgjedhore”, vijon artikulli.

Ka rrokaqiej të rinj kudo në Tiranë

Murati, i cili vetë ishte punëtor ndërtimi për vite me radhë, votoi Edi Ramën, ish-piktorin dhe njeriun mbi dy metra, në zgjedhjet e 2013 dhe 2017.

Rama ishte fillimisht ministër i Kulturës, më pas Kryetar i Bashkisë së Tiranës dhe u bë Kryeministër në 2013. Ai dëshiron që shqiptarët t’i japin atij një mandat të tretë në parlament të Dielën.

Murati nuk do ta bëjë këtë. “Rama na premtoi ndryshim, punësim dhe dhënien fund të korrupsionit. Asgjë nga këto nuk ndodhi”, shprehet ai.

Nëse shikoni vetëm Tiranën, keni një përshtypje tjetër: kryeqyteti po lulëzon, rrokaqiejt e rinj po ngrihen në qiell kudo.

Kleant Hodaj, 30 vjeç, i martuar, është ulur me djalin e tij në një lokal në qendër të Tiranës.

Ai flet italisht dhe anglisht dhe ka punuar në qendrat e call center për 11 vjet, një industri në të cilën rreth 30,000 shqiptarë fitojnë jetesën.

Hodaj ka shitur shumë nga vaji i ullirit përmes kontratave telefonike, dhe vite më parë po fitonte 750 euro në muaj, më shumë sesa prindërit e tij së bashku.

“Ata janë të dy mësues. Sidoqoftë, Hodaj më vonë zbuloi se shumë kompani të call center nuk u përmbahen rregullave dhe, për shembull, nuk paguajnë shtesa pushimesh.

Në fillim të vitit 2020, Hodaj u përpoq të formonte një sindikatë – pak më vonë ai u pushua nga puna. Ai më vonë gjeti një punë të re dhe sindikata u regjistrua kohët e fundit.

Hodaj është i kënaqur me punëdhënësin e tij të ri. Ai e di që paga e tij është shumë më e ulët se në vendet e tjera”, vijon artikulli.

“Unë mund të kisha emigruar, por vendi im është në Shqipëri,” thotë ai. Shumë e shohin ndryshe.

“Unë njoh shumë njerëz që punojnë në qendrat e thirrjeve për të fituar para për të studiuar mjekësi ose për t’u trajnuar si infermiere dhe më pas emigrojnë. Dhe askush nga ata që tashmë e kanë bërë këtë nuk është penduar”, mbyllet artikulli.

Check Also

U arrestua me 1 kg kokainë, ja kush është efektivi i RENEA-s/ FOTO

Detaje të reja janë zbuluar në lidhje me arrestimin në flagrancë të një efektivi të …

Leave a Reply

Your email address will not be published. Required fields are marked *

seven + eighteen =