Home / Aktualitet / Facebook bllokon ‘zërin e Donald Trumpit’ nga platforma

Facebook bllokon ‘zërin e Donald Trumpit’ nga platforma

Facebook ka hequr një video të ish-presidentit amerikan Donald Trump nga faqja e gruas së djalit të tij, Lara Trump.

Sipas mediave të huaja, përcjell Telegrafi, gjiganti i mediave sociale ndaloi z. Trump nga platforma e tij në janar pas trazirave nga mbështetësit e tij në ndërtesën e Kapitolit në Uashington.

Lara Trump, një bashkëpunëtore e re e Fox News, postoi një video të saj duke intervistuar z. Trump për një sërë çështjesh.

Ajo më vonë postoi një “screenshot” të një e-maili që mori nga Facebook duke e paralajmëruar atë për ndalimin.

“Në përputhje me bllokimin që vendosëm në llogaritë e Donald Trump në Facebook dhe Instagram, përmbajtja e mëtejshme e postuar me zërin e Donald Trump do të hiqet dhe do të rezultojë në kufizime shtesë në llogari”, lexohet në një email.

Lara Trump, e cila është e martuar me djalin e zotit Trump, Eric, në vend të kësaj postoi intervistën për shfaqjen e saj në internet The Right View në platformën video Rumble dhe u lidh me të nga faqja e saj në Facebook.

Ndërkohë mbështetësi i gjatë i Trump dhe drejtuesi i TV Fox News, Sean Hannity, e përshkroi masën si “censurë ekstreme” në një cicërimë në Twitter.

Duke mbrojtur ndalimin në atë kohë, shefi i Facebook-ut, Mark Zuckerburg tha: “Ne besojmë se rreziqet e lejimit të presidentit të vazhdojë të përdorë shërbimin tonë gjatë kësaj periudhe janë thjesht shumë të mëdha”.

Check Also

Paralajmërimi i mjekëve: Gratë që zgjohen natën kanë dy herë më shumë gjasa të…

Gratë që mundohen shumë që të mbajnë një gjumë të pandërprerë gjatë gjithë natës kanë …

Leave a Reply

Your email address will not be published. Required fields are marked *

seven − five =