Home / Aktualitet / Duhet të japë dorëheqjen Ardi Veliu? Flet Sandër Lleshaj

Duhet të japë dorëheqjen Ardi Veliu? Flet Sandër Lleshaj

Sandër Lleshaj dha dorëheqjen nga posti i ministrit të Brendshëm pas ekzekutimit të 25-vjecarit Klodian Rasha nga një efektiv i policisë. Por pas tij, protestuesit janë ngritur sërish dhe kërkojnë largimin e drejtorit të përgjithshëm të Policisë së Shtetit, Ardi Veliu, por Rama ka refuzuar kategorikisht që të plotësojë këtë kërkesë.

Ish Ministri i Brendshëm, Sandër Lleshaj ka folur në “Spotlight” duke thënë se nuk ka asnjë arsye për dorëheqjen e drejtuesve të Policisë sepse sipas tij, faji është individual.

“Për akte morale, dorëheqjeje ka nevojë sa të duash. Janë ata që janë debitor ndaj publikut shqiptar për aktet e kryera gjatë karrierës së tyre politike.

 Sa i përket strukturës së Policisë së Shtetit nuk ka asnjë vend për dorëheqje. Struktura e Policisë së Shtetit është e administrates shtetërore dhe në thelb nuk funksionon dorëheqja. Njerëzit atje emërohen, shkarkohen.

Sigurisht, që nuk mbajmë njerëz me zor në detyrë, por unë nuk shoh asnjë nevojë dorëheqjeje të strukturave të Policisë, për arsye se Policia shqiptare sot përfaqëson institucionin më të besuar nga qytetarët e këtij vendi dhe ky nuk është vlerësimi joni, por i fundit para 2-3 ditësh i programit suedez”, tha Lleshaj.

Check Also

Arrestohen qindra protestues në Rusi, mes tyre dhe bashkëshortja e liderit të opozitës ruse

Qindra njerëz janë arrestuar në Rusi derisa policia po përpiqet të ndalojë protestat mbarëkombëtare në …

Leave a Reply

Your email address will not be published. Required fields are marked *

fourteen + sixteen =