Home / Aktualitet / “Delta është i rrezikshëm, përhapet shpejt”, Rama thirrje për vaksinimin e qytetarëve

“Delta është i rrezikshëm, përhapet shpejt”, Rama thirrje për vaksinimin e qytetarëve

Nga qyteti i Dimalit, ku ka ndjekur nga afër procesin e vaksinimit, kryeministri Edi Rama ka paralajmëruar të gjithë skeptikët, se varianti i ri ‘Delta’, ka trasmetueshmëri më të lartë dhe është më agresiv.

Sipas Ramës të gjithë personat e vaksinuar, edhe në rast se infektohen, shfaqin simptoma më të lehta të Covid, dhe kanë shanse pothuajse zero që të përfundojnë të shtruar në spitale.

“Përtej faktit që Shqipëria ka ecur jashtëzakonisht mirë, dhe renditet në vendet e para sa i takon efikasitetit të vaksinimit ka ende persona skeptikë. Varianti i ri i Covid është më agresiv, përhapet shpejt, dhe është i rrezikshëm kur prek personat e pavaksinuar.

Vaksina nuk të bën të paprekshëm nga virusi, por ama e bën shumë më të dobët virusin që futet në organizëm. Kur infektohet një person  i vaksinuar, shanset që ai të shkojë në spital janë zero.

Këtu flet një i vaksinuar, ja ku jam nuk kam asnjë problem, kjo vlen për skeptikët dhe ata që janë viktima të teorive të konspiracionit. Ne do të bëjmë gjithçka që kemi në dorë për të kaluar hendekun”, u shpreh Rama.

Çdo qytetar që është mbi 18-vjeç dhe dëshiron të vaksinohet, mund të paraqitet në çdo qendër me kartë identiteti me vete, për të bërë dozën e parë të vaksinës.

Check Also

Tokyo 2020/ Rëndohet situata e pandemisë në Japoni

Vetëm pak ditë pas hapjes së Lojërave Olimpike të Tokios, Japonia po regjistron një rritje …

Leave a Reply

Your email address will not be published. Required fields are marked *

9 + 15 =