Home / Bota / Bezos i firmës Amazon tërhiqet si shef ekzekutiv

Bezos i firmës Amazon tërhiqet si shef ekzekutiv

Kompania Amazon.com tha të martën se themeluesi i saj Jeff Bezos do të tërhiqet si shef ekzekutiv dhe të bëhet president ekzekutiv.

Vendin e tij do ta zerë Andy Jassy, shef i operacioneve të Resë Kopjuterike në kompaninë Amazon. Ndryshimi në pozitat drejtuese të kompanisë do të bëhet në tremujorin e tretë.

Bezos, i cili e themeloi kompaninë 27 vjet më parë si shitës librash në internet, tha në një shënim për punonjësit të postuar në faqen e internetit të kompanisë Amazon: “Si President Ekzekutivit unë do të qëndroj i angazhuar në nisma të rëndësishme të kompanisë Amazon por gjithashtu do të kem kohën dhe energjinë e nevojshme për t’u përqëndruar te Fondi i Ditës 1, Fondi i Tokës Bezos, Origjina Blu, The Washington Post dhe pasionet e mia të tjera”.

Ai shtoi: “Kurrë nuk kam pasur më shumë energji dhe ky hap nuk do të thotë se po dal në pension.”

Që nga fillimi i shpërthimit të koronavirusit në SHBA, konsumatorët janë drejtuar gjithnjë e më shumë tek firma Amazon për blerjen e prodhimeve shtëpiake dhe të pajisjeve mjekësore.

Ndërsa dyqanet e zakonshme fizike mbyllën dyert, Amazon, shitësi më i madh në internet i botës, mori mbi 400,000 punëtorë të tjerë dhe arriti fitime rekord.

Në korrik 2018, Jeff Bezos u shpall “njeriu më i pasur në historinë moderne”, kur pasuria e tij arriti në 150 miliardë dollarë. Në janar 2021, pasuria e tij ishte 185.7 miliardë dollarë./VOA

Check Also

Ilaçi që kuroi Trump, Agjensia Europiane e barnave miraton ‘koktejin’ efektiv anti-Covid

Sipas Komitetit të EMA-së për Produkte Medicinale për Përdorim Njerëzor, “kombinimi” i antitrupave monoklonalë “i …

Leave a Reply

Your email address will not be published. Required fields are marked *

fifteen − 15 =