Home / Aktualitet / Balla ndez fushatën në Elbasan: A ka grua që voton Monika Kryemadhin

Balla ndez fushatën në Elbasan: A ka grua që voton Monika Kryemadhin

Gjatë një takimi të ngushtë me gra e vajza të Prrenjasit Drejtuesi Politik i PS për Elbasanin Taulant Balla vuri theksin tek shqetësimi kryesor i çdo familje.

Balla tha se pas 30 vitesh në Prrenjas u hap një njësi prodhuese dhe qindra gra u punësuan.

“Ne arritëm t’i qëndrojmë angazhimit që i vumë vetes para 4 vitesh lidhur me nisjen e një njësie prodhuese në Prrenjas.

U deshën 30 vjet që të kishim në Prrenjas një njësi prodhuese dhe këtë e kemi. Synojmë që këtë model ta zgjerojmë edhe në sektorë të tjerë.

Sot kemi 180 gra që punojnë dhe marrin një pagë të mirë. Këtu vijnë edhe zonja nga Lini i Pogradecit që vijnë punojnë këtu. Këto janë fillime të mbara të punëve të mira që Partia Socialiste ka bërë në Prrenjas.”

Balla shprehu bindjen se Prrenjasi, që ka provuar drejtimin lokal nga PD e LSI, e dallon shumë mirë ndryshimin në 1 vit e gjysëm drejtim nga Partia Socialiste:.

“Prrenjasi i ka provuar edhe PD edhe LSI në drejtimin vendor. Ne këtu qeverisim prej një viti e gjysëm. Populli i Prrenjasit di ta bëjë diferencën. Unë nuk besoj që ka një nënë apo vajzë në Prrenjas që mund t’ja besojë votën Monika Kryemadhit.

Shqiptarët i njohin kush janë dy familjet që e kanë marrë Shqipërinë peng këto 30 vite. Mjaft më!  A mundet të besojë dikush se Monika Kryemadhi apo Gaz Bardhi mund të bëjnë diçka për Prrenjasin?”

Check Also

Sherr te Liqeni i Thatë në Tiranë, 2 të rinj godasin me sende të forta një person

Një sherr mes disa personave ka ndodhur te Liqeni i Thatë në Tiranë. 2 të …

Leave a Reply

Your email address will not be published. Required fields are marked *

eleven − eight =