Home / Aktualitet / Arrestohet vrasësi i Gentian dhe Nezir Beqirit

Arrestohet vrasësi i Gentian dhe Nezir Beqirit

Interpoli grek në bashkëpunim me Interpol Tiranë arrestuan shtetasin, Olsi Leka, 41 vjeç, i shpallur në kërkim për vrasjen e dy personave në Elbasan.

I arrestuari, me banim në Elbasan, u shpall në kërkim nga gjykata e Elbasanit më qershor 2020, për akuzën e vrasjes me paramendim, të Gentian dhe Nezir Beqirit, babë e bir, në gusht 2012.

Për këtë çështje u arrestua edhe Florenc Capja, por më pas u la i lirë.

Personat e tjerë të shpallur në kërkim janë Ervis Bardhi, 38 vjeç, nga Kavaja e banues në lagjen “Shënkoll” të Elbasanit, si dhe Etien Cani, 29 vjeç, banues në lagjen “Çlirimi” të këtij qyteti.

Vrasjet e dy personave u kryen për hakmarrje, pasi në 2005-n Gentjan Beqiri u akuzua nga organet e drejtësisë për vrasjen e biznesmenit Sokol Çapja, vrasje e cila ka ndodhur në një prej bareve të Elbasanit, pranë Universitetit “Aleksandër Xhuvani”.

Gentian Beqiri, vuante dënim me arrest shtëpie, kur u vra dhe dy policët që e ruanin nuk kuptuan asgjë derisa erdhi ambulanca.

Check Also

Rama publikon videon e mjekut dhe ironizon Bashën: Ka mbaruar shkollën me pesa. Zgjohu Luli, zgjohu dreqin

Kryeministi Rama publikon një video dhe thotë se personi që kreu i PD Lulzim Basha …

Leave a Reply

Your email address will not be published. Required fields are marked *

three × 3 =