Home / Lajmi Fundit / Analiza e 25 prillit, PD mbledh Kuvendin Kombëtar te Pallati i Kongreseve

Analiza e 25 prillit, PD mbledh Kuvendin Kombëtar te Pallati i Kongreseve

Kuvendi i Partisë Demokratike do të mblidhet këtë të shtunë në orën 10:30 në Pallatin e Kongreseve, aty ko do të bëhet një analizë e zgjedhjeve parlamentare të 25 prillit.

Pak javë më parë kur dhe u njoftua data për mbajtjen e Kuvendit Kombëtar doli dhe agjenda e mbledhjes. Mësohet se në mbledhjen e Kuvendit është përcaktuar edhe rendi i ditës, ku fillimisht do të informohet për masakrën zgjedhore të 25 Prillit. Pas kësaj do të përcaktohen linjat kryesore të strategjisë politike të PD.

Ditën e sotme u mblodh Komisioni Statutor i Partisë Demokratike, i cili ka pranuar propozimet e kryetarit aktual të saj, Lulzim Basha, duke hedhur poshtë në këtë mënyrë propozimet e Fatbardh Kadillit dhe Edith Harxhit. (Lexo ketu)

Ditën e nesërme do të mblidhet Kryesia e Partisë, ku do të shqyrtohet edhe draft statuti i ri i Partisë Demokratike, si edhe do të njihet me analizën e zgjedhjeve që është bërë në 12 qarqe dhe listën me kandidatët për Këshillin Kombëtar.

Rikujtojmë se Partia Demokratike e quan një masakër zgjedhore procesin e zgjedhjeve parlamentare të 25 prillit, duke premtuar që do t’i shkojë deri në fund luftës kundër këtij procesi të parregullt. Gjithsesi, PD-ja me anë të figurave të ndryshem të saj ka konfirmuar se në shtator do t’i japë fund bojkotit të parlamentit dhe do të rikthehet në seancat parlamentare.

Check Also

Policia shoqëron djalin e Azem Hajdarit, i gjejnë drogë në makinë

Policia e Elbasanit ka shoqëruar sot në komisariat djalin e vogël të Azem Hajdarit, i …

Leave a Reply

Your email address will not be published. Required fields are marked *

seventeen + sixteen =